قازاقستان پرەزيدەنتى قاسىم-جومارت توقايەۆ ەسىرتكى ءوندىرۋ جانە وتكىزۋ ءۇشىن جازانى كۇشەيتۋگە، سونداي-اق «ەسىرتكى قويىپ كەتۋشىگە» قاتىستى جاۋاپكەرشىلىكتى جەڭىلدەتۋگە باعىتتالعان زاڭعا قول قويدى، دەپ حابارلايدى aqshamnews.kz
نەگىزگى وزگەرىستەر:
-
ەسىرتكى ءوندىرۋ، وڭدەۋ جانە ساتۋ:
15 جىلدان 20 جىلعا دەيىن نەمەسە ءومىر بويى باس بوستاندىعىنان ايىرۋ جانە مۇلىكتى تاركىلەۋ. لاۋازىمدى تۇلعالار ءۇشىن – 15 جىلدان 20 جىلعا دەيىن (بۇرىن 10 جىلدان 15 جىلعا دەيىن). -
«ەسىرتكى قويىپ كەتۋشى» ءۇشىن جەڭىلدەتۋ:
اۋىرلاتاتىن جاعدايلار بولماعان العاشقى قۇقىق بۇزۋشىلىق كەزىندە – 5 جىلدان 8 جىلعا دەيىن باس بوستاندىعىنان ايىرۋ (بۇرىن 10 جىلعا دەيىن). قايتالاپ جاساعان جاعدايدا – 7 جىلدان 12 جىلعا دەيىن.
زاڭ قىلمىستىق توپتاردىڭ قۇرامىندا، كامەلەتكە تولماعاندار اراسىندا نەمەسە ءبىلىم بەرۋ مەكەمەلەرىندە ەسىرتكى تاراتۋشىلارعا قاتاڭ شارالاردى ساقتاپ قالدى: 15 جىلدان 20 جىلعا دەيىن باس بوستاندىعىنان ايىرۋ جانە مۇلىكتى تاركىلەۋ.