نايزاعايدان قالاي ساقتانۋ كەرەك

نايزاعايدان ساق بولۋعا شاقىراتىن ارنايى جادىناما

ماماندار قايعىلى جاعدايدىڭ الدىن الۋ ماقساتىندا اتا-انالارعا ارناپ ارنايى جادىناما ۇسىنادى، دەپ حابارلايدى almaty-akshamy.kz

• جالعىز وسكەن اعاشتىڭ استىنا تىعىلماڭىز. ونداي اعاشتار نايزاعاي تارتۋى مۇمكىن. اسىرەسە، تەرەكتەر، شىرشالار مەن قاراعايلار ءقاۋىپتى. ويپاتتى جەرلەردە (شۇڭقىرلار، ارىقتار، سايلار) نەمەسە اۆتوموبيل جولدارىنىڭ استىنداعى سۋ وتكىزگىشتەردە جاسىرىنعان دۇرىس.

• قالتاڭىزدان مەتالل زاتتاردى (كىلتتەر، شىنجىر، ويىنشىقتار) الىڭىز.

• ەگەر ءسىز ۆەلوسيپەدپەن جۇرسەڭىز، ودان كەم دەگەندە 30 مەتر الىستاپ، جاڭبىر اياقتالعانعا دەيىن جانىنا جاقىنداماڭىز. • ۇيالى تەلەفوندى ءبىراز ۋاقىتقا ءوشىرىڭىز.

• ەگەر سۋعا ءتۇسۋ كەزىندە نايزاعاي سوعا باستاسا، شۇعىل تۇردە سۋدان شىعىپ، جاعادان 100 مەتر قاشىقتىقتا ءجۇرىڭىز. سۋ ەلەكتر توگىن جاقسى وتكىزەدى جانە نايزاعاي تارتادى.

• مۇمكىندىگىنشە كولىكتە نەمەسە عيماراتتا جاسىرىنىڭىز. ەگەر بۇل مۇمكىن بولماسا، جوعارىداعى ۇسىنىستاردى ورىنداڭىز

• جاياۋ ءجۇرۋدى توقتاتىپ، جاقىن ماڭداعى عيماراتتا كۇتكەن دۇرىس. ايالدامادا كۇتۋ ءقاۋىپتى. ويتكەنى جەل ايالداما شاتىرىن ۇشىرىپ اكەتۋى مۇمكىن.

• ۇيدە بولساڭىز، بارلىق ەلەكتر قۇرىلعىسىن ءوشىرىپ، تەرەزەلەردى جابىڭىز.

• بالكونعا نەمەسە اۋلاعا شىقپاڭىز. بۇرشاق جاۋا باستاسا، تەرەزەدەن الىس جەردە بولعان دۇرىس. ويتكەنى بۇرشاق تەرەزەنى سىندىرۋى مۇمكىن.