قازگيدرومەت قازاقستان ايماقتارىندا 2023 جىلعى 30 ماۋسىمدا بولاتىن ءقاۋىپتى مەتەورولوگيالىق قۇبىلىستارعا بولجاۋ كونسۋلتاسياسىن جاريالادى، دەپ حابارلايدى Almaty-akshamy.kz.
ق ر اۋماعىنىڭ باسىم بولىگى اتموسفەرالىق فرونتالدى بولىمدەردىڭ ىقپالىندا بولادى، وسىعان بايلانىستى نايزاعايلى جاڭبىر ساقتالادى. تەك وڭتۇستىكتە، سولتۇستىك-باتىستا، رەسپۋبليكانىڭ ورتالىعىندا كۇن رايى جاۋىن-شاشىنسىز بولادى. ەلدىڭ باسىم بولىگىندە جەل كۇشەيىپ، ەلدىڭ سولتۇستىك-شىعىسىندا، شىعىسىندا - بۇرشاق، قازاقستاننىڭ سولتۇستىگىندە، شىعىسىندا تۇندە جانە تاڭەرتەڭ - تۇمان، وڭتۇستىك-باتىسىندا – كۇندىز شاڭدى داۋىل ساقتالادى.
تۇركىستان، ماڭعىستاۋ، جامبىل وبلىستارىنىڭ باسىم بولىگىندە، اقتوبە وبلىسىنىڭ وڭتۇستىگىندە، وڭتۇستىك-شىعىسىندا، قىزىلوردا وبلىسىنىڭ باتىسىندا، شىعىسىندا، قاراعاندى، جەتىسۋ، ۇلىتاۋ وبلىستارىنىڭ وڭتۇستىگىندە، اتىراۋ وبلىسىنىڭ شىعىسىندا، وڭتۇستىگىندە توتەنشە ءورت ءقاۋپى ساقتالۋدا، جەتىسۋ وبلىسىنىڭ سولتۇستىك-باتىسىندا، قوستاناي وبلىسىنىڭ وڭتۇستىگىندە توتەنشە ءورت ءقاۋپى كۇتىلۋدە.
قىزىلوردا وبلىسىنىڭ ورتالىعىندا جوعارى ءورت ءقاۋپى ساقتالادى.