وكىنىشكە قاراي، جەدەل مەديسينالىق قىزمەت كەلگەنشە ءبىر ادام قايتىس بولدى.
ەكەۋىنە سول جەردە مەديسينالىق كومەك كورسەتىلىپ، امبۋلاتورلىق ەمدەۋگە جىبەرىلدى.
زارداپ شەككەن قالعان 22 ادام قالالىق اۋرۋحانالارعا جەتكىزىلدى، ءبارىنىڭ جاعدايى ورتاشا اۋىر، دەپ حابارلايدى Almaty-akshamy.kz.
زارداپ شەككەندەر اراسىندا 14، 15 جانە 16 جاستاعى ءۇش ءجاسوسپىرىم دە بار. ولاردىڭ جاعدايى دا ورتاشا اۋىرلىقتا: ءبىر بالانىڭ تىزەسى مەن ءىشى كوگەرگەن، ەكىنشىسىندە مۇرىن سۇيەگىنىڭ جابىق سىنۋى، ال ۇشىنشىسىندە وڭ اياعىنىڭ جابىق سىنۋى ورىن العان.
ءقازىر ناۋقاستار قاجەتتى ەم-دوم مەن تەكسەرۋدەن ءوتىپ جاتىر. سودان كەيىن كىمگە ستاسيونارلىق ەم قاجەت ەكەنى، كىمنىڭ تۇرعىلىقتى جەرى بويىنشا امبۋلاتورلىق ەمدەلۋگە جىبەرىلەتىنى بەلگىلى بولادى.
بارلىق ناۋقاسقا قاجەتتى مەديسينالىق كومەك تولىق كولەمدە كورسەتىلەدى.
ەستەرىڭىزگە سالا كەتەيىك، بۇعان دەيىن الماتىدا جولاۋشىلار مىنگەن اۆتوبۋس اپاتقا ۇشىراپ، ءبىر ادام قازا تاپقانىن حابارلاعان بولاتىنبىز.