عاسىرلار قويناۋى اشىلۋدا
ەگيپەتتەگى پيراميدانىڭ تۇبىنەن حەوپستىڭ كەمەسى تابىلدى، دەپ حابارلايدى Almaty-akshamy.kz. 24.kz-كە سىلتەمە جاساپ.
ارحەولوگتار گيزاداعى پيراميدانىڭ استىنان پەرعاۋىن حەوپستىڭ كەمەسىن تاپتى. زامانداستارى ونى كۇن قايىعى دەپ اتايتىن. ماماندار بۇل قايىقتى 15 جىل بويى ىزدەگەن. پەرعاۋىن حەوپستى سوڭعى ساپارىنا اتتاندىرعان ءبىرىنشى كۇن قايىعىن ارحەولوگتار وتكەن عاسىردىڭ 1950 جىلدارى تاپقان بولاتىن. سوندا پيراميدالار تۇبىندە تاعى ءبىر ۇڭگىردى كورگەن. ءبىراق وپىرىلىپ قالادى دەپ، قازۋعا باتا الماعان. تەك ەكى مىڭىنشى جىلداردىڭ باسىندا ارنايى تەحنيكامەن جۇمىسقا كىرىسىپ كەتتى. 15 جىلدان كەيىن عالىمدار ارنايى شۇقىردان كەمەنى تىرەگەن 2 مىڭعا جۋىق اعاش بولشەگىن شىعارىپ الدى.
پيراميدالار تۇبىندە تابىلعان ەكسپوناتتاردىڭ بارلىعى مۇراجاي زەرتتەۋشىلەرىنە تابىستالدى. مۇقيات زەرتتەگەننەن كەيىن عالىمدار مىڭداعان جىلدا ءشىرىپ كەتكەن قايىقتى قايتادان قۇراستىرۋعا تىرىسادى. وسىدان كەيىن ول ەگيپەتتىڭ ۇلكەن مۋزەيىنە قويىلادى. سونداعى ورتالىق زالداردىڭ ءبىرىن تەك حەوپس كەمەلەرىنە بولەدى.