مىسىردا تمد تۋريستەرى مىنگەن اۆتوبۋس اۋدارىلدى، دەپ حابارلايدى aqshamnews.kz Cairo 24 باسىلىمىنا سىلتەمە جاساپ.
جول-كولىك وقيعاسى سالدارىنان 40-تان استام ادام زارداپ شەكتى. ولاردىڭ كوپشىلىگى رەسەي مەن ۋكراينادان كەلگەن تۋريستەر.
«زارداپ شەككەندەردىڭ 31ء-ى — رەسەي مەن ۋكراينادان، ۇشەۋى — قازاقستاننان، ۇشەۋى — ازەربايجاننان، تاعى تورتەۋى مىسىرلىق ەكەنى انىقتالدى. زارداپ شەككەندەردىڭ بارلىعى مەديسينالىق كومەك كورسەتۋ ءۇشىن اۋرۋحاناعا جەتكىزىلدى. بولعان جايتقا قاتىستى ءتيىستى حاتتاما جاسالدى. سونداي-اق، قاجەتتى شارالار قابىلداندى»، — دەپ جازادى باسىلىم.
اپات سۋەس شىعاناعىنىڭ جاعاسىنداعى راس-سيدر قالاسىنىڭ ماڭىندا بولعانى بەلگىلى.
وقيعانىڭ سەبەپتەرى انىقتالىپ جاتىر.