دارىگەر مۋزىكا تىڭداپ جۇمىس ىستەۋدىڭ تيىمدىلىگىن باعالادى
پسيحياتر: مۋزىكا تىڭداپ جۇمىس ىستەۋ ادامدا بار قانداي دا ءبىر بۇزىلىستاردى اڭعارتۋى مۇمكىن، دەپ حابارلايدى Almaty-akshamy.kz.
وسى كۇنى قۇلاققاپ تاعىپ الىپ، مۋزىكا نەمەسە پودكاست تىڭداپ وتىرىپ جۇمىسىن دا تىندىرا بەرەتىندەر قاتارى كوپ. بۇگىندە بۇل كورىنىس قالىپتى جاعدايعا اينالدى. الايدا بۇلاي جاساۋ ادامدا قانداي دا ءبىر بۇزىلىستاردىڭ بارىن اڭعارتادى ەكەن. دارىگەر-پسيحياتردىڭ ايتۋىنشا، بۇل ءادىستىڭ تيىمدىلىگى نازاردى شوعىرلاندىرۋدا. بۇل تۋرالى رەسەيلىك مامان، پسيحوتەراپيەۆت ەۆگەنيي فومين ايتتى.
ماماننىڭ سوزىنە قاراعاندا، جۇمىسقا دەن قويىپ، ونىڭ ءونىمدى بولۋى ءۇشىن تەك تىنىشتىق قاجەت دەگەن تۇسىنىك ەسكىرگەن. گادجەتتەردىڭ اسەرىنەن ءقازىر ادامداردا اقپاراتتى ۇزدىكسىز قابىلداۋ ادەتى قالىپتاسقان. سول سەبەپتى مۋزىكا نەمەسە پودكاست تىڭداۋ كەيبىر ادامدارعا الدىنا قويىلعان مىندەتتەردى اتقارۋدا نازاردى شوعىرلاندىرۋعا جاقسى كومەكتەسەدى.
الايدا، جۇمىس كەزىندە اۋديو تىتىركەندىرگىشتەردى قولدانۋ ادەتى دە كەيبىر اۋىتقۋلاردىڭ سيمپتومى بولىپ تابىلادى. ولاردىڭ قاتارىنا نازار ءبولۋ (قويۋ) جەتىسپەۋشىلىگى مەن گيپەربەلسەندىلىك جاتادى. مۇنداي ادامدارعا ۇنەمى ءبىر نارسە بولىپ جاتىپ، نازاردىڭ وزگەرىپ تۇرۋى ماڭىزدى.
سونىمەن قاتار، ادامنىڭ تىنىشتىقتا جۇمىس ىستەي الماۋى مازاسىزدانۋ (الاڭداۋ) سەزىمىنىڭ تىم جوعارى ەكەنىن كورسەتۋى مۇمكىن.
«مۇمكىن، ونى قانداي دا ءبىر ويلار مازالايتىن شىعار جانە وعان ونى تىنىشتاندىراتىن مۋزىكا ماڭىزدى بولۋى مۇمكىن»،-دەپ ءتۇسىندىردى فومين.