مۇزدىقتاردىڭ ەرۋى تاۋلىكتى ۇزارتاتىنى بەلگىلى بولدى

جەردىڭ اينالۋ جىلدامدىعى ازايىپ كەلەدى.

بۇعان ادامزاتتىڭ ويسىز ارەكەتتەرى سەبەپ بولىپ وتىر، دەپ حابارلايدى aqshamnews.kz  islam.kz-ke سىلتەمە جاساپ.  

گرەنلانديا مەن انتاركتيداعى مۇزدىقتاردىڭ ەرۋى پلانەتاداعى كۇردەلى وزگەرىسكە الىپ كەلەدى. سۋدىڭ پوليارلىق ايماقتان ەكۆاتورعا ىعىسۋى تاۋلىكتى ۇزارتادى. سيۋريح جوعارعى تەحنيكالىق مەكتەبىنىڭ عالىمدارى كومپيۋتەرلىك مودەلدى پايدالانا وتىرىپ، انتروپوگەندىك فاكتوردان (ادامزاتتىڭ ارەكەتىنەن) جەردىڭ بارلىق جۇيەسى زارداپ شەگەتىنىن انىقتادى.

بەنەديكت سودجا ەسىمدى پروفەسسور XX عاسىر ىشىندە جەر عالامشارىنىڭ اينالۋ جىلدامدىعى 0،3-تەن 1 ميلليسەكۋندقا دەيىن اۋىتقىعانىن اتاپ كورسەتتى. XXI عاسىردا، ياعني، ءقازىردىڭ وزىندە بۇل كورسەتكىش سەكۋندقا شاققاندا 1،3 مس دەيىن وسكەن، ال اتموسفەراداعى كومىرقىشقىل گازىنىڭ مولشەرىنىڭ ودان ارى ارتۋى بۇل پروسەستى 2100 جىلعا قاراي سەكۋندىنا 2،6 مس-قا دەيىن جىلدامداتۋى مۇمكىن. مۇنداي وزگەرىستەر ۋاقىت دالدىگىنە تاۋەلدى GPS جۇيەلەرىنىڭ، ينتەرنەتتىڭ جانە قارجىلىق وپەراسيالاردىڭ جۇمىسىنا كەرى اسەرىن تيگىزىپ، زاردابى اۋىر سالدارعا ۇرىندىرۋى ىقتيمال.