مۇسىلمانشا نەكە قيۋ زاڭىنىڭ كۇشى جويىلدى

ءۇندى وپپوزيسياسى اسسام شتاتىنىڭ بيلىگىنىڭ 1935 جىلدان بەرى قولدانىستا بولىپ كەلگەن مۇسىلمانشا نەكە قيۋ زاڭىنىڭ كۇشىن جويعانىن سىنعا الدى.

اتالمىش زاڭ كامەلەت جاسىنا تولماعان مۇسىلماندارمەن نەكەلەسۋگە مۇمكىندىك بەرىپ كەلگەن ەدى. بۇل جايىندا islam.kz پورتالى ءوز كەزەگىندە Reuters اقپارات رەسۋرسىنا ءجون سىلتەگەن IslamNews سايتىنا سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.

اسسام – ءۇندىستاننىڭ بارلىق شتاتتارىنداعى مۇسىلمانداردى قوسا العاندا مۇسىلمان حالقى كوپ شتات. وسىعان ۇقساس شەشىم بۇرىن سولتۇستىك ۋتتاراكحاند  شتاتىندا دا قابىلدانعان ەدى – اتالعان شتات اۋماعىنداعى بارلىق نانىم-سەنىم وكىلدەرىنە بىردەي قولدانىلاتىن نەكە قيۋ، اجىراسۋ، بالا اسىراپ الۋ، مۇراگەر تاعايىنداۋ ىستەرىن قامتىعان ءبىرىڭعاي كودەكس قولدانىسقا ەنگىزىلگەن بولاتىن. اسسام شتاتىنىڭ جاڭا ەرەجەسىنە سايكەس 21 جاسقا تولماعان جاس جىگىتتەر وتباسىن قۇرا المايدى. قىزداردىڭ تۇرمىس قۇرۋ جاسىنىڭ جاس شەگى – 18.

ءۇندىستاننىڭ نەگىزگى وپپوزيسيالىق پارتياسى سانالاتىن ۇلتتىق كونگرەسى پارتياسىنىڭ جەتەكشىسى ءابراشيت ماندال اتاپ وتكەندەي، قابىلدانعان زاڭ مۇسىلمانداردى عانا كەمسىتۋعا باعىتتالعان. بيلىك باسىنداعى ۇلتشىل ءموديدىڭ بحاراتيا دجاناتا پارتياسى سايلاۋدا جەڭىسكە جەتسە، فەدەرالدى دەڭگەيدە ءبىرىڭعاي «نەكە ستاندارتى» قابىلدانۋى مۇمكىن. بۇگىندە ءۇندىستانداعى يندۋستار، مۇسىلماندار، حريستياندار جانە باسقا ءدىني بىرلەستىكتەردىڭ نەكە، اجىراسۋ، بالا اسىراپ الۋ جانە مۇراگەرلىك ماسەلەلەرىندە وزدەرىنىڭ زاڭدارى مەن ادەت-عۇرىپتارىن ۇستانىپ كەلگەنىن ايتا كەتكەن ءجون.