بۇگىن، قاراشانىڭ 23ء-ى قازاقستاندا تاەكۆوندو فەدەراسياسىنىڭ نەگىزىن قالاۋشى، سپورتتىڭ سايىپقىران ساڭلاعى مۇستافا وزتۇرىكتىڭ تۋعان كۇنى.
Almaty-akshamy.kz نازارلارىڭىزعا قازاقتىڭ ايبوز ۇلى تۋرالى 10 دەرەكتى ۇسىنامىز:
1. شىن ەسىمى – مۇستافا كابەن ۇلى ءابدىراحمان.
2. ول تۇركياعا كوشىپ بارعان قازاق وتباسىندا تۋعان.
3. اكەسى قابەن تۇرىك جەرىندە پالۋاندارمەن بەلدەسىپ، ءوزىنىڭ جاۋىرىنى جەر تيمەيتىن شەبەر بولعان. تۇرىك باۋىرلاردىڭ قابەن اعاعا دەگەن سىيلاستىقتارى ارتىپ، وزتۇرىك اتاپ كەتكەن. وسىلايشا، وتباسى مۇشەلەرى وسى اتاۋدى وزدەرىنە تەك ەتىپ الادى. سوندىقتان قابەن اعا ومىرگە كەلگەن ۇلىنىڭ ەسىمىن مۇستافا قويىپ، تەگىن وزتۇرىك ەتىپ جازدىرادى.
4. ق ر تاەكۆوندو (WTF) فەدەراسياسىنىڭ نەگىزىن قالاۋشى، حالىقارالىق دارەجەدەگى جاتتىقتىرۋشى، تاەكۆوندودان قارا بەلبەۋ 6 دان يەگەرى. العاش رەت قازاقستاندا تاەكۆوندو مەكتەبىن اشتى.
5. تۇركيانىڭ ستامبۇل قالاسىندا، گەرمانيانىڭ ميۋنحەن قالاسىندا، سونداي-اق، قازاقستاندا مۇستافا وزتۇرىك اتىنداعى تاەكۆوندو مەكتەپتەرىن اشتى.
6. نەگىزگى ماماندىعى – جۋرناليست
7. 6 ءتىلدى جەتىك مەڭگەرىپ، ەركىن سويلەگەن.
8. بۇل دۇنيەمەن قوشتاسقاندا جاسى بار-جوعى 40-تا ەدى. دەنەسى ستامبۇل قالاسىندا، اكەسىنىڭ جانىندا جەرلەنگەن.
9. مۇستافا وزتۇرىكتىڭ جۇمباق ءولىمى تۋرالى دوستارى بىلاي دەپ ەسكە الادى: «ونى بىرەۋلەر ۋلاعان. 1995 جىلدارى ەلدە رەكەتيرلىك ۋاقىت ەدى. بىرەۋلەرگە مۇستافانىڭ ەلگە كەلىپ، كوتەرىلە باستاعانى ۇناماسا كەرەك. ءبىزدىڭ بولجامىمىزشا، ونىڭ تاماعىنا ۋ قوسقان سياقتى». الايدا اۋرۋحانانىڭ بەرگەن رەسمي مالىمەتى وزتۇرىكتىڭ قاستاندىقپەن ولتىرىلگەنىن راستامايدى.
10. 1991 جىلى قاليلا وماروۆ مۇستافا وزتۇرىككە ارناپ «بارىپ قايت، بالام اۋىلعا» ءفيلمىن ءتۇسىردى
اقپارات Alashainasy.kz-تەن الىندى