اپات ايتىپ كەلمەيدى. ەلىمىزدە بولىپ جاتقان جاعداي وتە وكىنىشتى. تاسقىن سۋ حالىقتىڭ جىگەرىن جاسىتپاي، حالىقتىڭ جىگەرىن تاسىتسا دەپ ويلايمىن. سەبەبى سۋ قايدان باستاۋ السا دا، ءبىر قاسيەتى بىرىگىپ الادى.
بۇل سۋ بىرلىگىن كورسەتىپ جاتىر. بىزدە قازاق حالقىنىڭ بىرلىگىن كورسەتىپ، قارا سۋعا حالىقتىڭ بىرلىگىمەن قارسى تۇرۋ كەرەك.
حالقىمىزدا “مالىم – جانىمنىڭ ساداعاسى، جانىم – ارىمنىڭ ساداعاسى» دەگەن تاماشا عيبراتتى سوزدەر بار. سوندىقتان مال تابىلار، جانىمىز امان بولسىنشى. ەڭ باستىسى، ۇلت رەتىندە جىگەرىمىزدى جاسىتپايىق.
ارىمىزدى بارلىق دۇنيەدەن بيىك قويايىق. بىرلىگىمىزدى ساقتاپ، وسى اپاتتان امان شىعامىز دەگەن ويدامىز.
پرەزيدەنتتىڭ ۇندەۋىندە ايتىلعانداي حالىققا مەملەكەتتەن كومەك كورسەتىلىپ، بۇل اپاتتى دا جەڭىپ شىعامىز.