وزبەكستان مۇراجايىندا 100-دەن استام جالعان ەكسپونات انىقتالدى
حيۋا قالاسىنداعى «يچان-قالا» مەملەكەتتىك قورىق-مۇراجايىندا 100-دەن استام جالعان ەكسپونات انىقتالدى. بۇل تۋرالى وزبەكستاننىڭ مادەني مۇرا اگەنتتىگى ءمالىم ەتتى،، دەپ حابارلايدى اlmaty-akshamy.kz قازاقپاراتقا سىلتەمە جاساپ.
تاريحي قۇندىلىقتاردىڭ جالعاندىعى بىرەگەي ەكسپوناتتار تىزىمىنە ەنگىزىلگەن مۇراجاي قورىن زەرتتەۋ بارىسىندا انىقتالعان.
«مۋزەيدەگى 101 ەكسپونات مولشەرى، ماتەريالى، وڭدەۋ ءستيلى جانە جاسالعان كەزەڭى بويىنشا كىرىس كىتابىنىڭ سيپاتتامالارىنا سايكەس كەلمەيتىنى انىقتالدى»، - دەپ كورسەتكەن اگەنتتىك.
تەكسەرىس ناتيجەلەرى بويىنشا ءتيىستى قۇجاتتار قۇقىق قورعاۋ وگاندارىنا بەرىلدى.
2500 جىلدان استام تاريحى بار «يچان-قالا» بەكىنىسى – حيۋا قالاسىنىڭ تاريحي بولىگى بولىپ سانالادى. ول 1990 جىلى يۋنەسكو-نىڭ بۇكىلالەمدىك مۇرالار تىزىمىنە ەنگىزىلگەن.