قازاقستاندىق دزيۋدوشى ءابيبا ءابۋجاقىنوۆا پاريجدە وتكەن وليمپيادا ويىندارىندا قولا مەدالعا كۇرەسىپ ساتسىزدىككە ۇشىراعان سوڭ الەۋمەتتىك جەلىدەگى پاراقشاسىندا حالىققا ارناپ جازبا جاريالادى، دەپ حابارلايدى aqshamnews.kz
"مەنى قولداپ، جۇلدەسىز قالعانىما قاراماستان جىلى لەبىزدەرىڭىزدى ارناپ جاتقاندارىڭىزعا راقمەت! مەن بۇل كۇندى ۇزاق كۇتكەن ەدىم. قازاقستان ايەلدەر دزيۋدوسىنىڭ تاريحىن جاڭارتۋعا بار كۇشىمدى سالعانىممەن، ءوزىم ويلاعانداي ناتيجەگە قول جەتكىزە المادىم..."، - دەپ جازدى سپورتشى.
ءابيبا ءابۋجاقىنوۆا حالىقتان كەشىرىم سۇراپ، ءوز جازباسىندا بىلاي دەپ ايتتى:
"ماعان سەنگەن بارشاڭىزدىڭ ۇمىتتەرىڭىزدى اقتاي الماعانىم ءۇشىن كەشىرىم سۇرايمىن! مەن مۇنىمەن توقتاپ قالمايمىن! مىقتى بولىپ ورالامىن!"
قازاقستاندىقتار سپورتشى قىزدىڭ نامىسشىل ەكەنىنە ءتانتى بولدى. ءابيبا ءابۋجاقىنوۆا ءوزىنىڭ جىگەرلىلىگى مەن قايسارلىعى ارقىلى كوپتەگەن جانكۇيەرلەردىڭ جۇرەگىن جاۋلاپ الدى. ونىڭ الداعى جارىستاردا ۇلكەن جەتىستىكتەرگە جەتەتىنىنە سەنىم مول.
ءابۋجاقىنوۆانىڭ وزىنە ارتىلعان ءۇمىتتى اقتاۋ ءۇشىن بار كۇش-جىگەرىن سالاتىنىنا سەنىم بىلدىرگەن جانكۇيەرلەرى ونىڭ كەلەسى جارىستارىنا تابىس تىلەپ، قولداۋ كورسەتۋدى جالعاستىراتىنىن ايتتى.