بۇل تۋرالى ەنەرگەتيكا ءمينيسترى الماسادام ساتقالييەۆ "ەكونوميكا" باعدارلاماسىندا بەرگەن سۇحباتىندا ايتتى.
وتاندىق بەنزين مەن ديزەل جانارمايىن اۆتوكولىكپەن جانە تەمىرجولمەن ەكسپورتتاۋعا سالىنعان تىيىم مەرزىمى بيىل اقپان ايىنان باستاپ ۇزارتىلدى. ءبىراق بۇل زاڭعا باعىنبايتىندار ازايماي تۇر. ماسەلەن، شيكىزات ءونىمىن سىرتقا شىعارۋدى شەكتەيتىن سوڭعى بۇيرىق شىققالى 300-گە جۋىق زاڭ بۇزۋشىلىق تىركەلگەن، دەپ حابارلايدى اlmaty-akshamy.kz 24 كز سىلتەمە جاساپ.
- مۇناي ونىمدەرىن زاڭسىز ەكسپورتتاۋ بويىنشا 288 قىلمىس انىقتالدى. ونىڭ ىشىندە "كولەڭكەلى ەكسپورت" دەگەن دە بار. بەنزين مەن ديزەلدى شەكارادان بىلدىرتپەي وتكىزگىسى كەلەتىندەر جەڭىل كولىگىن سىيىمدىلىعى ۇلكەن قوسىمشا باكپەن جابدىقتايدى. ءبىر كۇننىڭ ىشىندە بىرنەشە مارتە تاسىمالدايدى، - دەيدى ق ر ەنەرگەتيكا ءمينيسترى الماسادام ساتقالييەۆ
ۆەدومستۆو باسشىسى ەل باتىسىنداعى الەۋمەتتىك جانە ەكونوميكالىق ماسەلەلەردىڭ الدىن الۋعا باعىتتالعان جۇمىستار تۋرالى ايتتى.
- ەل باتىسىن دامىتۋ بويىنشا ءبىرقاتار جۇمىس ىستەپ جاتىرمىز. ەنەرگەتيكا مينيسترلىگى تاراپىنان اتقارىلىپ جاتقان ءىرى جوبالار بار. بۇل ءبىرىنشى كەزەكتە جەرگىلىكتى حالىقتىڭ ءال-اۋقاتىن جاقسارتۋعا باعىتتالعان. ونىڭ ىشىندە، اتىراۋ وبلىسىنداعى گاز-حيميالىق كەشەن، پوليپروپيلەن، پوليەتيلەن جانە بۋتاديەن شىعاراتىن زاۋىتتاردىڭ قۇرىلىسى دا بار. وسى ارقىلى بىرنەشە ونداعان مىڭ جاڭا جۇمىس ورىندارى اشىلادى، - دەيدى ق ر ەنەرگەتيكا ءمينيسترى الماسادام ساتقالييەۆ