2023 جىلدىڭ قورىتىندىسىندا ەلىمىزدە 306 مىڭ توننا مۇناي-گاز حيميا ونىمدەرى وندىرىلگەنى تۋرالى ەنەرگەتيكا مينيسترلىگى ءمالىم ەتتى، دەپ حابارلايدى almaty-akshamy.kz.
«بۇگىنگى تاڭدا كومىرسۋتەك شيكىزاتىنان كەلەسى مۇناي-گاز حيميا ونىمدەرى وندىرىلەدى: بەنزول، پاراكسيلول، پوليپروپيلەن، مەتيل-ترەت-بۋتيل ەفيرى جانە باسقالارى 2023 جىلى مۇناي-گاز حيميا ونىمدەرىنىڭ جيىنتىق ءوندىرىسى 306 مىڭ توننانى قۇرادى. ونىڭ ىشىندە ەكسپورتقا 227 مىڭ تونناسى جىبەرىلدى جانە بۇل كورسەتكىش 2021 جىلمەن (87 مىڭ توننا) سالىستىرعاندا 2،6 ەسەگە ءوسىم كورسەتتى»، - دەپ اتاپ ءوتتى مينيسترلىكتەن اگەنتتىك ءتىلشىسىنىڭ ساۋالىنا وراي.
ۆەدومستۆو ۇسىنعان دەرەككە سايكەس، مىنا ەلدەرگە مۇناي-گاز حيميا ونىمدەرى ەكسپورتقا شىعارىلعان.
- پوليپروپيلەن: جۇڭگو – 94،5 مىڭ توننا، رەسەي – 44،9 مىڭ توننا، ەۋروپا – 30 مىڭ توننا، تۇركيا – 14،1 مىڭ توننا.
- بەنزول: جۇڭگو – 25،3 مىڭ توننا.
- پاراكسيلول: جۇڭگو – 18،2 مىڭ توننا.