ءبىر مەكتەپتى ۇزدىكسىز 10 جىل باسقارعان ادام قايتا كونكۋرسقا قاتىسا المايدى.
وقۋ-اعارتۋ مينيسترلىگى قازاقستاندا مەملەكەتتىك مەكتەپ ديرەكتورىن تاعايىنداۋ تارتىبىنە وزگەرىستەر ەنگىزۋدى جوسپارلاپ وتىر، دەپ حابارلايدى Almaty-akshamy.kz.
مەكتەپ باسشىلارى كونكۋرس نەگىزىندە جۇمىسقا ورنالاسىپ، مىندەتتى سەرتيفيكاتتاۋ مەن اڭگىمەلەسۋدەن وتەدى. بۇل رەتتە سەرتيفيكاتتاۋدان ءوتۋ ءۇشىن تەست تاپسىرمالارىنىڭ سانىن 50-دەن 48-گە دەيىن قىسقارتۋ جوسپارلانعان،-دەپ جازدى informburo.kz.
سونداي-اق، كەلەسى ساناتتارعا جاتاتىن ۇمىتكەرلەر سەرتيفيكاتتاۋدان بوساتىلادى:
- پرەزيدەنتتىك كادر رەزەرۆىنە كىرگەن ادامدار؛
- نازاربايەۆ ۋنيۆەرسيتەتىنىڭ نەمەسە "بولاشاق" حالىقارالىق ستيپەندياسى بويىنشا وقۋدان وتكەن شەتەلدىك جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ تۇلەكتەرى؛
- Quacquarelli Symonds World University Rankings، Times Higher Education ۋنيۆەرسيتەتتەرىنىڭ الەمدىك رەيتينگتەرى بويىنشا الەمنىڭ ۇزدىك 100 ۋنيۆەرسيتەتىندە، الەمدىك ۋنيۆەرسيتەتتەردىڭ Academic Ranking of World universities شانحاي رەيتينگىندە وقىعان تۇلەكتەر.
كونكۋرس قورىتىندىسى بويىنشا ءبىرىنشى باسشى لاۋازىمعا بەس جىل مەرزىمگە تاعايىندالادى. ءبىراق، ءبىر مەكتەپتە بەس جىلدان ەكى مەرزىم قىزمەت اتقارعان باسشى ودان كەيىن قايتا كونكۋرسقا قاتىسا المايدى.
سونداي-اق، مەملەكەتتىك مەكتەپتىڭ ءبىرىنشى باسشىلارىنىڭ كادرلىق رەزەرۆىن جاساقتاۋ دا جوسپارلانىپ وتىر. وعان ۇمىتكەرلەر ءبىر جىل مۇشە بولا الادى.
كادر رەزەرۆىنە ىرىكتەۋدەن ءوتۋ ءۇشىن ۇمىتكەر كەلەسى تالاپتارعا ساي بولۋى قاجەت:
- ق ر ازاماتى؛
- جاس 50 جاستان اسپاۋى كەرەك؛
- جوعارى پەداگوگيكالىق نەمەسە ءتيىستى بەيىنى بويىنشا كاسىپتىك نەمەسە جوعارى وقۋ ورنىنان كەيىنگى ءبىلىم؛
- كەمىندە ءۇش جىل پەداگوگيكالىق جۇمىس ءوتىلى؛
- پەداگوگ-ساراپشىدان تومەن ەمەس بىلىكتىلىك ساناتى نەمەسە «ءۇشىنشى بىلىكتىلىك ساناتتى باسشىسىنىڭ ورىنباسارى» نەمەسە «ەكىنشى بىلىكتىلىك ساناتتى باسشىسىنىڭ ورىنباسارى» نەمەسە «ءبىرىنشى بىلىكتىلىك ساناتتى باسشىسىنىڭ ورىنباسارى» نەمەسە «باسشى-ۇيىمداستىرۋشى» نەمەسە «باسشى-مەنەدجەر» نەمەسە «باسشى-كوشباسشى» بىلىكتىلىك ساناتى بار؛
- سوتتىلىعى جوق؛
- مەديسينالىق قارسى كورسەتىلىمدەرى جوق، سونداي-اق پسيحيكالىق، مىنەز-قۇلىق، ونىڭ ىشىندە پسيحواكتيۆتى زاتتاردى قولدانۋىنا بايلانىستى بۇزىلىستارى (اۋرۋلارىمەن) جوق، پسيحيكالىق دەنساۋلىق سالاسىندا مەديسينالىق كومەك كورسەتەتىن، حالىققا ناركولوگيالىق كومەك كورسەتەتىن ۇيىمداردا ەسەپتە تۇرماۋى كەرەك.
«ۇمىتكەر ماگيستر، PhD اكادەميالىق نەمەسە عىلىمي دارەجەسى تۋرالى، ق ر عىلىم جانە جوعارى ءبىلىم مينيسترلىگىنىڭ عىلىم جانە جوعارى ءبىلىم سالاسىنداعى ساپانى قامتاماسىز ەتۋ كوميتەتى ۇسىنعان Scopus يندەكستەيتىن جۋرنالداردا جاريالانىمدارى بار پەداگوگيكا نەمەسە بەيىندىك باعىت بويىنشا عىلىم كانديداتى عىلىمي دارەجەسى تۋرالى، «بولاشاق» باعدارلاماسىنىڭ تۇلەكتەرى تۋرالى قوسىمشا اقپاراتتى بولعان جاعدايدا ۇسىنادى»، – دەلىنگەن قۇجات جوباسىندا.
قۇجات جوباسىن جاريا تالقىلاۋ مەرزىمى – 19 شىلدەگە دەيىن.