الماتىدا شىعىپ قالعان ءماسليحات دەپۋتاتىنىڭ ورنىنا جاڭا حالىق قالاۋلىسىن سايلاۋ ناۋقانى قىزۋ ءجۇرىپ جاتىر، دەپ حابارلايدى Almaty akshamy ءتىلشىسى.
سايلاۋ ۋچاسكەلەرىندە سايلاۋشىلار ءۇشىن بارلىق جاعداي جاسالعان. «ءبىز قولارباداعى جاندارعا، سونداي-اق كورۋ جانە ەستۋ قابىلەتى ناشار الماتىلىقتارعا داۋىس بەرۋ قولايلى بولۋ ءۇشىن ارنايى كابينا دايىندادىق. ءبىز ءۇشىن ءار ادام ماڭىزدى. ءبىز ءوز سايلاۋشىلارىمىزدى جوعارى باعالايمىز، سوندىقتان سايلاۋعا شاقىرۋ قاعازدارىن جاشىككە تاستاي سالماي، اركىمنىڭ قولىنا ۇستاتۋعا تىرىستىق»، - دەدى قازاق كولىك جانە كوممۋنيكاسيا اكادەمياسى اۋماعىنداعى №84 سايلاۋ ۋچاسكەسىنىڭ حاتشىسى لەليا بۋگەنوۆا.
مۇندا دا العاش رەت داۋىس بەرىپ جاتقان سايلاۋشىلارعا «قازاقستان» ءتاتتىسى سىيعا بەرىلۋدە.