2022 جىلى ءساۋىردىڭ 29-30 كۇندەرى الماتى قالاسىندا ەرەكشە بالالار شىعارماشىلىق كورمەسى وتكىزىلەدى.
الماتى قالاسى الەۋمەتتىك ءال-اۋقات باسقارماسىنىڭ قولداۋىمەن، «Almaty International Rotary Club» قب ۇيىمداستىرعان كورمەگە «ايالا» الەۋمەتتىك قىزمەت ورتالىعى» كمم-نىڭ ەرەكشە بالالارى قاتىسادى، دەپ حابارلايدى Almaty-akshamy.kz
الماتى قالاسىنىڭ «ايالا» الەۋمەتتىك قىزمەت ورتالىعى» كمم 1 جاستان 18 جاسقا دەيىن 200-دەن استام مۇمكىندىگى شەكتەۋلى بالالارعا جانە 18 جاس اسقان پسيحونيەۆرولوگيالىق اۋرۋلارى بار مۇگەدەكتىگى بار جاندارعا ارناۋلى الەۋمەتتىك قىزمەت كورسەتەدى. ورتالىقتىڭ قىزمەت الۋشىلارى فيزيوتەراپيالىق قولداۋمەن قاتار، وقۋ ساباقتارىنا قاتىسادى، سۋرەت سالادى، مۇسىندەيدى، شىعارماشىلىقپەن اينالىسادى، بىر-بىرىمەن قارىم-قاتىناس جاسايدى.
كورمەنىڭ ماقساتى — مۇمكىندىگى شەكتەۋلى بالالاردىڭ تاماشا شىعارماشىلىق جۇمىستارىن كورمەدە ۇسىنۋ، قالىپتى جاعدايداعى بالالارمەن جانە ەرەكشە قاجەتتىلىكتەرى بار بالالار بىرلەسكەن ينتەراكتيۆتى ىس-ارەكەت ورىندالىپ قارىم-قاتىناس جاساۋعا مۇمكىندىك بەرۋ. ويتكەنى، بەلسەندى ءومىر ينكليۋزيۆتى قوعامنىڭ بارلىق مۇشەلەرىنە بىردەي قاجەت.
ءبىز قوعامدى ەرەكشە قاجەتتىلىكتەرى بار بالالارعا قاراي بۇرعىمىز كەلەدى، دۇرىس قابىلداۋ جانە قارىم-قاتىناس جاساۋدى ۇيرەنگىمىز كەلەدى، پسيحولوگيالىق شەكارالاردى جويعىمىز كەلەدى. قاڭتار وقيعاسىنان كەيىن ادامدارعا ءومىردىڭ باسقا جاعىن كورسەتكىمىز كەلەدى، اشىق جانە مەيىرىمدى بولۋعا ۇيرەتىپ، ەرەكشە قاجەتتىلىكتەرى بار بالالاردىڭ الەمدى ادەمى كوزقاراسى مەن قابىلداۋىنا قول جەتكىزۋگە مۇمكىندىك بەرۋگە ىنتامىز بار.
ءبىز بۇل شارانى بارلىق كەلۋشىلەر ءۇشىن قىزىقتى ەتكىمىز كەلگەندىكتەن، كورمە اياسىندا كەلەسى ينتەراكتيۆتى ءىس-شارالار وتكىزىلەدى:
- سون سەرگەيدىڭ «ۋلىبكا» قۋىرشاق تەاترى
27 جاسىندا سەرگەي سون اۋىر ومىرتقا جاراقاتىن الدى، ءبىراق سوعان قاراماستان، ول بالالار ۇيلەرى مەن شىركەۋلەردە بالالارعا ارنالعان قۋىرشاقتار، ساحنالىق قويىلىمدار جاساۋدى جالعاستىرۋدا.
تەاتر رەپەرتۋارىندا ورىس حالقىنىڭ بەلگىلى ەرتەگىلەرىنىڭ «باۋىرساق»، «ءۇش توراي»، «شورتاننىڭ تاپسىرىسى بويىنشا» بىرنەشە نۇسقالارى بار.
- كيم مارينانىڭ ماستيكا قولدان سومداۋ شەبەرلىك-سىنىپتارى
مارينا كيمنىڭ مۇگەدەكتىگى بار ەستۋ قابىلەتى ناشار - شەبەر. ول تاڭعاجايىپ، ەلەستەتەتىپ ورىندالعان تۋىندىلار جاسايدى. ماستيكامەن جۇمىس جاساي وتىرىپ، بالالار ۇساق موتوريكانى دامىتادى، بۇل سويلەۋدى دامىتۋعا، قوزعالىستاردى ۇيلەستىرۋگە، ەستە ساقتاۋ مەن لوگيكالىق ويلاۋعا تىكەلەي اسەر ەتەدى.
- قولدان سومداۋ مەن سۋرەت سالۋ شىعارماشىلىق الاڭدارى
كەلۋشىلەر شىعارماشىلىق كورمە الاڭىندا «ايالا» الەۋمەتتىك قىزمەت ورتالىعىنىڭ بالالارىمەن بىرگە قاتىسا الادى، وندا بوياۋعا ارنالعان گيپستەن جاسالعان مۇسىنشەلەر، سونداي-اق مودەلدەۋ مەن سۋرەت سالۋعا ارنالعان ءارتۇرلى ماتەريالدار ۇسىنىلادى.
- مۋزىكالىق نومىرلەر
كونسەرتتىك باعدارلاماعا ورتالىقتىڭ قىزمەت الۋشىلار جانە الماتى قالاسىنىڭ شىعارماشىلىق ۇجىمدارى قاتىسادى.
- اۆتور لي ەكاتەرينا وزىندىك ينكليۋزيا تۋرالى كىتابىن وقيدى.
ەكاتەرينا لي - «سانالى ۇرپاق» جوباسىنىڭ باستاماشىسى، «ەلينا ينكليۋزيانى بىلەدى» كىتابىنىڭ اۆتورى. بۇل كىتابتا كەيىپكەر مۇگەدەكتەر ارباسىمەن ءجۇرىپ-تۇراتىن مىقتى جانە اقىلدى قىز تۋرالى ايتىلعان ەرەكشە قاجەتتىلىكتەرى بار بالالار تۋرالى اڭگىمەلەيدى.
كىتاپتى وقىعاننان كەيىن اۆتور قىزىقتى جانە پايدالى سىيلىقتارمەن ۆيكتورينا وتكىزەدى.
- انيماتورلىق ينتەراكتيۆ ارەكەتتەرى
مۋلتفيلمدەر مەن كوميكستەردىڭ سۇيىكتى كەيىپكەرلەرى بالالارمەن شاعىن ويىندار وينايدى، سونىمەن قاتار بەت بوياۋى مەن شارلاردان فيگۋرالار (تۆيستينگ) سىيلايدى.
بارلىق ينتەراكتيۆتى شارالار كورمەنىڭ بارلىق كۇندەرىندە قاتار جۇرگىزىلەدى.
ۇيىمداستىرۋشى كورمە اياسىندا مەكتەپتەر مەن بالاباقشالارعا «ەلينا ينكليۋزيانى بىلەدى» اتتى 50 كىتاپتى سىيعا تارتۋدى جوسپارلايدى.
سىزدەردى 2022 جىلدىڭ 29 ءساۋىرى مەن 30 ءساۋىرى ارالىعىندا كۇن سايىن ساعات 11:00-18:00 ارالىعىندا الماتى قالاسى، اباي داڭعىلى، 44، اتىنداعى سپورتتىق-مادەني كەشەن مەكەنجايى بويىنشا كورمەدە كۇتەمىز. بالۋان شولاق (ابايدان كىرەبەرىس).
كىرۋى تەگىن.
ءبىزدىڭ قولداۋشىلار: الماتى قالاسى اكىمشىلىگى، الماتى قالاسىنىڭ الەۋمەتتىك ءال-اۋقات باسقارماسى، ءماسليحات دەپۋتاتتارى، قالا كاسىپكەرلەرى، «Namson Family» ارت-ستۋدياسى، «VR PRODUCTION» پروديۋسسەرلىك ورتالىعى.
كورمەگە كەلىپ، قولداۋ كورسەتۋلەرىڭىزدى سۇرايمىز جانە بارلىق مۇددەلى ۇيىمدار مەن ب ا ق وكىلدەرىن كەز كەلگەن دەمەۋشىلىك جانە اقپاراتتىق قولداۋ كورسەتۋگە شاقىرامىز.
ىنتىماقتاستىق جانە قوسىمشا اقپارات ءۇشىن بايلانىسشى:
+ 7(777) 033-00-99، نام تاتيانا، Almaty International Rotary Club ەلەكت-پرەزيدەنتى.