مۇلىك سالىعىن تولەمەگەندەرگە ەرتەڭنەن باستاپ ايىپپۇل سالىنادى

بۇل تۋرالى مەملەكەتتىك كىرىستەر كوميتەتى مالىمدەدى.

دەمالىس كۇنىنە سايكەس كەلگەندىكتەن، سالىق تولەۋ مەرزىمى 2022 جىلعى 1 قازاننان 3 قازانعا اۋىستىرىلدى، دەپ حابارلايدى Almaty-akshamy.kz

كوميتەت وكىلدەرىنىڭ ايتۋىنشا، سالىق كودەكسىنىڭ ەرەجەسىنە سايكەس، سالىق مىندەتتەمەسىن ورىنداۋ مەرزىمىنىڭ سوڭعى كۇنى دەمالىس كۇنىنە كەلەتىن بولسا، وندا تولەم مەرزىمى كەلەسى جۇمىس كۇنىنىڭ سوڭىندا اياقتالادى.

«سوندىقتان، 1 قازانعا دەيىن تولەم جاساي الماعان ازاماتتار بۇگىن سالىعىن وتەي الادى. ءوسىمپۇلدى ەسەپتەۋ اعىمداعى جىلدىڭ 4 قازانىنان باستالادى»، دەپ حابارلدى ق ر قم مەملەكەتتىك كىرىستەر كوميتەتى.

ەسەپتەلگەن سالىق سوماسىن kgd.gov.kz سايتىندا جانە E-salyq Azamat ءموبيلدى قوسىمشاسىندا «الداعى تولەمدەر» سەرۆيسىنەن، سونداي-اق بانكتەردىڭ Homebank جانە Kaspi.kz (مەملەكەتتىك قىزمەتتەر – سالىق – كولىك جانە مۇلىك سالىعى- جسن تەرۋ) ءموبيلدى قوسىمشالارىندا بىلۋگە بولادى.

سالىق بويىنشا بەرەشەكتىڭ بار نە جوق ەكەنىن e-Salyq Azamat (AppStore، PlayMarket) ءموبيلدى قوسىمشاسى→ەلەكتروندىق سەرۆيستەر→سالىق جانە الەۋمەتتىك تولەمدەر بويىنشا بەرەشەك سەرۆيسى→جسن ەنگىزۋ ارقىلى تەكسەرۋگە بولادى.