توقايەۆتىڭ الماتى قالاسىنىڭ سەل قاۋىپسىزدىگىن قامتاماسىز ەتۋ جونىندەگى تاپسىرماسى ۋاقتىلى جانە ناقتى ورىندالۋى ءتيىس
سەناتتىڭ حالىقارالىق قاتىناستار، قورعانىس جانە قاۋىپسىزدىك كوميتەتىنىڭ ءتوراعاسى مۇحتار قۇل-مۇحاممەد وڭىرگە ساپارى اياسىندا ۇلكەن الماتى وزەنىنىڭ جوعارعى جاعىنداعى ايۋساي وزەنىنىڭ ساعاسىنان تومەن ورنالاسقان سەل ۇستايتىن بوگەت قۇرىلىسىنىڭ بارىسىمەن تانىستى. بۇل تۋرالى Almaty-akshamy.kz جوعارى پالاتانىڭ باسپا ءسوز قىزمەتىنە سىلتەمە جاساپ حابارلايدى.
سەل ءقاۋپى بار ايماقتا ورنالاسقان ادامداردىڭ، شارۋاشىلىق جۇرگىزۋ وبەكتىلەرىنىڭ ءومىرىن قورعاۋدى قامتاماسىز ەتۋگە، سونداي-اق قاقپاقتان تومەنگى جەردە سالىنىپ جاتقان بوگەتتىڭ قۇرىلىسى اعىس بويىنان تومەن ورنالاسقان سەل قويماسىنىڭ قىزمەت ەتۋ مەرزىمىن ۇزارتۋعا مۇمكىندىك بەرەتىن بولادى.
«ەلىمىز پرەزيدەنتى قاسىم-جومارت كەمەل ۇلى توقايەۆتىڭ الماتى قالاسىنىڭ سەل قاۋىپسىزدىگىن قامتاماسىز ەتۋ جونىندەگى تاپسىرماسى ۋاقتىلى جانە ناقتى ورىندالۋى ءتيىس. ول وڭىردەگى سۋ رەسۋرستارىنىڭ تاپشىلىعى، كليماتتىڭ كۇرت وزگەرۋى، ەكونوميكالىق سيپاتتاعى ءىس-قيمىلدىڭ وسە تۇسكەنى جاعدايىندا سىزدەردىڭ جۇمىستارىڭىزعا تىكەلەي بايلانىستى»، - دەدى سەناتور.
كەزدەسۋلەردە مەملەكەت باسشىسىنىڭ «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىنداعى العا قويىلعان مىندەتتەر جان-جاقتى تالقىعا سالىنىپ، پىكىر الماسىلدى. دەپۋتات ءماسليحاتتاردىڭ ءرولىن قايتا ايقىنداۋ نەمەسە وبلىس حالقىنىڭ نەگىزگى بولىگى تۇراتىن الماتى قالاسىمەن شەكارالاس وبلىستىڭ قۇرىلۋىنا بايلانىستى بارلىق باستامالار مەملەكەتتىڭ ەگەمەندىگىن، اۋماقتىق تۇتاستىعىن قورعاۋعا جانە ازاماتتارىمىزدىڭ تۇپكىلىكتى مۇددەلەرىن قامتاماسىز ەتەتىن ستراتەگيالىق باعىتتى شەشۋگە ارنالعانىن اتاپ ءوتتى.