پورتالدا ارناۋلى الەۋمەتتىك قىزمەتتەر كورسەتەتىن 863 مەديسينالىق-الەۋمەتتىك مەكەمە بار.
الەۋمەتتىك پورتال ارقىلى قىزمەت الۋشى قازاقستاندىقتار سانى ارتىپ كەلەدى، دەپ حابارلايدى Almaty-akshamy.kz.
«اعىمداعى جىلدىڭ باسىنان باستاپ 187 مىڭنان استام مۇگەدەكتىگى بار ادام الەۋمەتتىك قىزمەتتەر پورتالى (بۇدان ءارى – پورتال) ارقىلى وڭالتۋدىڭ تەحنيكالىق قۇرالدارىن (بۇدان ءارى – وتق)، 6 مىڭنان استام ىمداۋ ءتىلى قىزمەتتەرىن، 32،5 مىڭنان استام جەكە كومەكشىنىڭ قىزمەتتەرىن، 44 مىڭعا جۋىق ساناتورلىق-كۋرورتتىق ەم الدى. سونداي-اق، پورتال ارقىلى كەپىلدىك بەرىلگەن الەۋمەتتىك توپتامالارعا 170 مىڭ تاپسىرىس راسىمدەلدى»، – دەلىنگەن ەڭبەك جانە حالىقتى الەۋمىتتىك قورعاۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
پورتال مۇگەدەكتىگى بار ادامدارعا وڭالتۋدىڭ تەحنيكالىق قۇرالدارى مەن قىزمەتتەرىن ءوندىرۋشىنى جانە جەتكىزۋشىنى ءوز بەتىنشە تاڭداۋعا مۇمكىندىك بەرەدى. كومەك تۇرىنە تاپسىرىس بەرۋ كورسەتىلەتىن قىزمەتتى الۋشىنىڭ ەلەكتروندىق سيفرلىق قولتاڭباسىمەن راستاۋ ارقىلى جۇزەگە اسىرىلادى. تاپسىرىس بەرىلگەن وڭالتۋدىڭ تەحنيكالىق قۇرالدارىن جەتكىزۋ نەمەسە ءوز بەتىنشە اكەتۋ ارقىلى الۋعا بولادى.
مۇگەدەكتىگى بار ادامداردى وڭالتۋ قۇرالدارىمەن قامتاماسىز ەتۋ پروتەزدىك-ورتوپەديالىق، سۋردوتەحنيكالىق، تيفلوتەحنيكالىق جانە گيگيەنالىق قۇرالدار، سونداي-اق كرەسلو-اربالار بەرۋدى قامتيدى.
بۇگىنگى كۇنى پورتالدا ارناۋلى الەۋمەتتىك قىزمەتتەر كورسەتەتىن 863 مەديسينالىق-الەۋمەتتىك مەكەمە (بولىمشەلەر)، 149 وتق جەتكىزۋشى، 14 مىڭنان استام جەكە كومەكشى، 255 ىمداۋ ءتىلىن قىزمەتىن، 69 ساناتورلىق-كۋرورتتىق ەمدەۋدى، 135 كەپىلدىك بەرىلگەن الەۋمەتتىك توپتامانى جەتكىزۋشىلەر تىركەلگەن.
2020 جىلعى 29 جەلتوقساننان باستاپ ەلەكتروندىق ۇكىمەت پورتالىندا (eGov.kz) مۇگەدەكتىگى بار ادامدارعا ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ مەملەكەتتىك قىزمەتتەرىن كورسەتۋگە ەلەكتروندىق ءوتىنىم بەرۋ مۇمكىندىگى ىسكە اسىرىلدى. وسى كەزەڭدە ەلەكتروندىق ۇكىمەت پورتالى ارقىلى وڭالتۋ قۇرالدارىمەن جانە قىزمەتتەرىمەن قامتاماسىز ەتۋگە 213 مىڭنان استام قۇجات رەسىمدەلدى.
«الەۋمەتتىك قىزمەتتەر پورتالى» اۆتوماتتاندىرىلعان اقپاراتتىق جۇيەسىن ەنگىزۋ مۇگەدەكتىگى بار ادامداردىڭ قۇقىقتارىن قامتاماسىز ەتۋ جانە ءومىر ءسۇرۋ ساپاسىن جاقسارتۋ جونىندەگى ۇلتتىق جوسپار شەڭبەرىندە قاراستىرىلعان.