ق ر ەڭبەك جانە حالىقتى الەۋمەتتىك قورعاۋ مينيسترلىگى حالىققا مەملەكەتتىك كورسەتىلەتىن قىزمەتتەردىڭ قولجەتىمدىلىگىن ارتتىرۋ بويىنشا جۇرگىزىلىپ جاتقان جۇمىس شەڭبەرىندە «مۇگەدەكتىگى بار بالالاردى ۇيدە وقىتۋعا جۇمسالعان شىعىنداردى وتەۋ» قىزمەتى ءۇشىن پرواكتيۆتى فورماتتى ىسكە اسىردى.
شىعىنداردىڭ جوعارىدا كورسەتىلگەن ءتۇرىن وتەۋ بالا تولىق مەملەكەتتىك قامتاماسىز ەتۋدە بولماعان جاعدايدا، وتباسىنىڭ تابىسىنا قاراماستان اتا-انالاردىڭ بىرىنە بەرىلەدى.
بۇعان دەيىن وسى كورسەتىلەتىن مەملەكەتتىك قىزمەتتى الۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراسياسى» كەاق فيليالىنا بارىپ نەمەسە eGov پورتالىنا ءوتىنىش جازۋ قاجەت بولاتىن.
ەندى ءموبيلدى ازاماتتار بازاسىندا تەلەفون ءنومىرىن تىركەگەن جاعدايدا، كورسەتىلگەن ادىستەرمەن قاتار قىزمەتتى 1414 نومىرىنەن تەك ءبىر SMS-كە جاۋاپ بەرۋ ارقىلى الۋعا بولادى.
مەملەكەتتىك قىزمەتتى پرواكتيۆتى كورسەتۋ پروسەسى مۇگەدەكتىگى بار بالانى ۇيدە وقىتۋ تۋرالى مەملەكەتتىك ورگانداردىڭ اقپاراتتىق جۇيەلەرىنەن مالىمەتتەر كەلىپ تۇسكەن كەزدە اۆتوماتتى تۇردە باستالادى.
كەلىسىم العاننان كەيىن جۇيە كورسەتىلەتىن قىزمەتتى الۋشىنىڭ دەرەكتەرىنىڭ مەملەكەتتىك قىزمەت كورسەتۋ قاعيدالارىنىڭ تالاپتارىنا سايكەستىگىن تەكسەرۋدى جۇزەگە اسىرادى، ونىڭ ناتيجەلەرى بويىنشا تولەم تاعايىنداۋ تۋرالى شەشىم نەمەسە دالەلدى باس تارتۋ قابىلدانادى.
تاعايىندالعان قاراجات حابارلاماعا جاۋاپ بەرۋ كەزىندە كورسەتىلەتىن قىزمەتتى الۋشى كورسەتكەن بانك شوتىنا اۋدارىلادى.
وسىلايشا، پرواكتيۆتى فورمات قازاقستاندىقتارعا ۇيدەن شىقپاي جانە كوپ ۋاقىت جۇمساماستان، قاجەتتى قىزمەتتى الۋعا مۇمكىندىك بەرەدى، سونداي-اق سىبايلاس جەمقورلىق تاۋەكەلدەرىن ازايتۋعا ىقپال ەتەدى، ويتكەنى مەملەكەتتىك قىزمەت كورسەتۋگە از ادام قاتىسادى.