مۇگەدەكتىگى بار ادامدارعا ارنالعان قايىرىمدىلىق اكسياسىن وتكىزۋ تۋرالى اقپارات جالعان بولىپ تابىلادى
مەسسەندجەرلەر مەن الەۋمەتتىك جەلىلەردە تاراتىلىپ جاتقان 23 شىلدە كۇنى ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ (بۇدان ءارى – ەڭبەكمينى) جانىندا مۇگەدەكتىگى بار ادامدارعا ارنالعان قايىرىمدىلىق اكسياسى وتەتىنى تۋرالى اقپارات شىندىققا جاناسپايدى، دەپ حابارلادى Almaty-akshamy.kz ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارىنا سىلتەمە جاساپ.
ق ر ەڭبەك جانە حالىقتى الەۋمەتتىك قورعاۋ مينيسترلىگى مۇگەدەكتىگى بار ادامدار مەن مۇگەدەكتىگى بار بالالاردى تاربيەلەپ وتىرعان وتباسىلار ءۇشىن قانداي دا ءبىر اكسيالار وتكىزۋ جوسپارلانباعانىن حابارلايدى.
ازاماتتاردان جالعان اقپاراتقا نازار اۋدارماۋدى جانە اقپاراتتى تەك رەسمي دەرەككوزدەردەن الۋدى سۇرايمىز. جالعان اقپارات تاراتۋ زاڭ بويىنشا جازالانادى.
ەستەرىڭىزگە سالا كەتەيىك، قازاقستاندا مۇگەدەكتىگى بار ادامداردىڭ ءومىر ءسۇرۋ ساپاسىن جاقسارتۋ بويىنشا تۇراقتى نەگىزدە جوسپارلى جۇمىس جۇرگىزىلۋدە.
2020 جىلى الەۋمەتتىك تولەمدەرگە، وڭالتۋدىڭ تەحنيكالىق قۇرالدارىمەن جانە قىزمەتتەرىمەن قامتاماسىز ەتۋگە مەملەكەتتىك بيۋدجەتتەن 455 ملرد تەڭگە ءبولىندى، اعىمداعى جىلى بۇل ماقساتتارعا 486 ملرد تەڭگە كوزدەلگەن.
الۋشىلارعا ىڭعايلى بولۋى، وڭالتۋ قۇرالدارىمەن جانە قىزمەتتەرىمەن قامتاماسىز ەتۋدى جاقسارتۋ ءۇشىن الەۋمەتتىك قىزمەتتەر پورتالى ىسكە قوسىلدى (aleumet.egov.kz). قاڭتار ايىنان باستاپ پورتالعا وڭالتۋدىڭ تەحنيكالىق قۇرالدارىنىڭ بارلىق 55 ءتۇرى كوشىرىلدى.
ەڭبەكمينى مۇگەدەكتىك سەبەبىنە قاراماستان، I توپتاعى مۇگەدەكتىك كەزىندە كۇتىم جونىندەگى جاردەماقىنى ەنگىزۋدى؛ جاردەماقىلاردىڭ مولشەرىن قايتا قاراي وتىرىپ، 7 جاستان 16 جاسقا دەيىنگى بالالاردى مۇگەدەكتىك توپتارى بويىنشا ءبولۋدى؛ مۇگەدەكتىگى بويىنشا جانە اسىراۋشىسىنان ايىرىلۋ جاعدايى بويىنشا جاردەماقىلاردى ءبىر مەزگىلدە الۋ قۇقىعىن بەرۋدى؛ كامەلەتكە تولعان كەزدە مۇگەدەكتىگى بار بالالاردى تاربيەلەپ وتىرعان وتباسىلار ءۇشىن تۇرعىن ءۇي كەزەگىن ساقتاۋدى جانە باسقا دا نورمالاردى كوزدەيتىن زاڭ جوباسىن ازىرلەدى. اتالعان زاڭ جوباسىن بيىلعى جىلى قابىلداۋ كۇتىلۋدە، ول ماجىلىستە ماقۇلدانىپ، سەناتقا قاراۋعا بەرىلدى.
مۇگەدەكتىگى بار بالالاردى وڭالتۋ قىزمەتتەرىمەن قامتاماسىز ەتۋ ءۇشىن جەرگىلىكتى اتقارۋشى ورگاندارمەن بىرلەسىپ شاعىن سيپاتتاعى وڭالتۋ ورتالىقتارىن اشۋ بويىنشا جۇمىس جۇرگىزىلۋدە. بيىل 12 ورتالىق اشىلادى، ونىڭ 6-ۋى جۇمىس ىستەپ تۇر (پاۆلودار وبلىسى، قامتۋ اۋقىمى – 150 بالا؛ قىزىلوردا وبلىسى – 150؛ بقو – 100؛ اقتوبە وبلىسى – 350؛ اقمولا وبلىسى – 100؛ نۇر-سۇلتان قالاسى – 150).
مۇمكىندىكتەرى شەكتەۋلى ادامدار ءۇشىن مەديسينالىق-الەۋمەتتىك ساراپتامانىڭ راسىمدەرى مەن مەرزىمدەرىن وڭتايلاندىرۋ ماقساتىندا ەڭبەكمينى مۇگەدەكتىكتى سىرتتاي بەلگىلەۋدى ەنگىزۋ بويىنشا جۇمىس جۇرگىزۋدە. 1 شىلدەدەن باستاپ جوبا 6 وڭىردە: نۇر-سۇلتان، الماتى قالالارىندا، باتىس قازاقستان، سولتۇستىك قازاقستان، اقمولا جانە قاراعاندى وبلىستارىندا ىسكە قوسىلادى. جوبانى ىسكە اسىرۋ كەلەشەكتە مۇگەدەكتىگى بار ادامداردىڭ ينستانسيالار بويىنشا ءجۇرۋىن جانە كورسەتىلەتىن قىزمەتتى بەرۋشىمەن تىكەلەي بايلانىسىن بولدىرماۋعا مۇمكىندىك بەرەدى.
2020 جىلى مۇگەدەكتىگى بار ادامدارعا ارنالعان كاسىپتەر اتلاسى ازىرلەندى، ول ولاردى جۇمىسقا ورنالاستىرۋ كەزىندە، ونىڭ ىشىندە ەلەكتروندىق ەڭبەك بيرجاسىندا (enbek.kz) جۇمىس ىزدەۋدى جەتىلدىرۋ ءۇشىن قولدانىلادى.
مۇگەدەكتىگى بار ادامداردى الەۋمەتتىك قولداۋ جانە جۇمىسقا ورنالاستىرۋ ءۇشىن بارلىق وڭىرلەردە «TenQogam» ورتالىقتارىن اشۋ جوسپارلانعان. نۇر-سۇلتان مەن الماتىدا مۇنداي ورتالىقتار پسيحولوگيالىق جانە قۇقىقتىق كومەك، جۇمىسقا ورنالاسۋعا جاردەم كورسەتە وتىرىپ، تابىستى جۇمىس ىستەۋدە.
الەۋمەتتىك قىزمەت كورسەتۋ ساپاسىن ارتتىرۋ ماقساتىندا قازىرگى ۋاقىتتا الەۋمەتتىك قىزمەتتى ودان ءارى جاڭعىرتۋ جونىندەگى ۇلتتىق جوسپار ازىرلەندى جانە جاقىن ارادا قابىلداناتىن بولادى.
وسى شارالاردىڭ ناتيجەسىندە 695 مىڭنان استام مۇمكىندىكتەرى شەكتەۋلى ادامداردىڭ ءومىر ءسۇرۋ ساپاسى مەن كورسەتىلەتىن قىزمەتتەرگە قولجەتىمدىلىگى جاقسارادى.