ورالدا پوليسەيلەر باستاۋىش سىنىپ ءمۇعالىمىن ءولتىردى دەگەن كۇدىكتىنى دەرەۋ ۇستادى، - دەپ حابارلايدى اlmaty-akshamy.kz باتىس قازاقستان وبلىسى پوليسيا دەپارتامەنتىنىڭ باسپا ءسوز قىزمەتىنە سىلتەمە جاساپ.
25 ساۋىردە جۇرگىزىلگەن جەدەل-ىزدەستىرۋ شارالارىنىڭ بارىسىندا ەر ادام انىقتالىپ، ۇستالدى. كۇدىكتى بۇرىن سوتتالعان ورال تۇرعىنى بولىپ شىقتى.
"قازىرگى ۋاقىتتا كۇدىكتى سوتتىڭ سانكسياسىمەن قاماۋدا وتىر، تەرگەۋ مۇددەسى ءۇشىن باسقا مالىمەتتەر جاريالانبايدى"، - دەلىنگەن ۆەدومستۆو حابارلاماسىندا.
ەسكە سالايىق، 25 ساۋىردە ورالدا باستاۋىش سىنىپ ءمۇعالىمى نادەجدا نيكيتينانى ءوز پاتەرىندە ءولتىرىپ كەتكەن. 1964 جىلى تۋعان ءمۇعالىمنىڭ ءمايىتى ونىڭ تۇرعىلىقتى جەرىنەن تابىلدى، وندا زورلىق-زومبىلىق بەلگىلەرى بولعان. نادەجدا نيكيتينا 35 جىل ءبىر مەكتەپتە جۇمىس ىستەگەن.