مۇعالىمگە گۇل سىيلاۋعا بولادى ما؟ بۇل جايىندا كەيىنگى كەزدەرى ۇلكەن تالقىعا سالىنىپ، قوعام ەكىگە جارىلدى. ءبىرى بولادى دەسە، ەندى ءبىرى بولمايتىنىن ايتىپ اشىنادى. بيلىك تاراپىنان دا پىكىرلەر ايتىلدى.
مىنە اپتا سوڭىندا ۇستازدار كۇنى اتالىپ وتەدى. وسىناۋ كۇنگە اتا-انالاردىڭ ءبىر پاراسى قىزۋ كىرىسىپ كەتتى. وسى ورايدا ارنايى ءتيىستى مينيسترلىك وكىلدەرى ءوز ويلارىمەن ءبولىستى.
"گۇل سىيلاۋ، جاقسى لەبىز ءبىلدىرۋ – ءبىزدىڭ مۇعالىمدەرىمىزگە بىلدىرەتىن العىس سەزىمىمىزدىڭ بەلگىسى. مۇنداي ىقىلاس ۇستاز ەڭبەگىنىڭ ماڭىزدىلىعىن كورسەتىپ قانا قويماي، ۇرپاقتار اراسىنداعى سىيلاستىق قارىم-قاتىناستى نىعايتا تۇسەدى. ايتا كەتۋ كەرەك، ۇستازعا قۇرمەت كورسەتۋ ۇرپاقتار اراسىندا ساقتالىپ كەلە جاتقان ءداستۇر"، – دەيدى وقۋ-اعارتۋ مينيسترلىگىنىڭ وكىلى مەرەكە امانگەلدى قىزى.