الماتى قالاسىندا ورنالاسقان ۇلتتىق تەستىلەۋ ورتالىعىنىڭ فيليالىنان شۋ شىقتى، -دەپ حابارلايدى اlmaty-akshamy.kz BAQ.KZ-كە سىلتەمە جاساپ.
تاڭنان بەرى ورتالىقتىڭ الدىن كۇزەتكەن مۇعالىمدەر تەستىلەۋ ورتالىعىنا ءوز ارىز-شاعىمدارىن جەتكىزدى.
بۇگىن ءار وڭىردەن جينالىپ، بىلىكتىلىكتى ارتتىرۋ تەستىن تاپسىرۋعا كەلدىك. ەكى ساعاتتاي ورتالىق الدىندا تۇرۋعا ءماجبۇر بولدىق. مۇنداعى قىزمەتكەرلەر استانا قالاسىنداعى بازا اشىلمادى، سول سەبەپتەن تەست تاپسىرۋ مۇمكىن بولمايدى دەدى. شەت جاقتان كەلگەندەر قايتا-قايتا سابىلمايتىنىن ايتىپ جاتىر. ولاردى دا تۇسىنۋگە بولادى. مىنا جەردە ەڭ بولماسا وتىراتىن جەردە جوق. اياقتان تىك تۇرىپ كۇتۋگە ءماجبۇر بولدىق، – دەيدى مۇعالىمدەر.
تەستىلەۋ ورتالىعىنىڭ ماماندارى ءمان-جايدى ءتۇسىندىرىپ، تەستىڭ سەنبىگە، ياعني 15ء-ى ساۋىرگە اۋىسۋ سەبەبىن ايتتى. سونداي-اق، ۇستازداردى سابىرعا شاقىرىپ، تەحنيكالىق ولقىلىقتاردىڭ بولۋىنا تۇسىنىستىكپەن قاراۋىن ءوتىندى.
تەست تاپسىرۋشىنىڭ ۇستىندە كامەرا تۇرادى، ونى استانا قالاسىنداعى تەست ورتالىعى باقىلايدى. كامەرانىڭ ىستەمەي قالۋىنا بايلانىستى تەست تاپسىرۋعا استانا قالاسىنان رۇقسات بەرىلمەدى. سول سەبەپتەن ەمتيحان سەنبىگە اۋىستى. بۇگىن كەلگەن ادامداردىڭ بارلىعى تەست تاپسىرادى. تاپسىرا الماي قالامىن دەپ قورۋدىڭ كەرەگى جوق. تەك، تەست تاپسىرۋ ۋاقىتى وزگەردى. 15ء-ى كۇنى تاڭعى 9.00-دەن باستاپ تەست تاپسىرۋعا مۇمكىندىكتەرى بار، – دەيدى تەست ورتالىعىنىڭ ماماندارى.