2024 جىلى مەديسينالىق ساقتاندىرۋ قورى الماتىدا ونكولوگيالىق دەرتتەردى ەرتە انىقتاۋ شارالارىنا 4 ملرد تەڭگەگە جۋىق قارجى ءبولدى. ارنايى سكرينينگتىك تەكسەرۋلەر وبىردىڭ ءۇش ءتۇرىن ەرتە انىقتاۋعا مۇمكىندىك بەرەدى.
سكرينينگتىك زەرتتەۋلەردەن قالاي وتۋگە بولادى جانە بۇل تەكسەرۋلەردىڭ ماڭىزى قانداي؟ بۇل تۋرالى مسق الماتى فيليالى وكىلدەرى اڭگىمەلەپ بەردى.
حابارلاماعا سۇيەنسەك، بيىل 228 مىڭعا جۋىق الماتىلىق تۇرعىن ونكولوگيالىق تەكسەرۋلەردەن ءوتۋى ءتيىس.
سكرينينگ ارقىلى قانداي سىرقاتتاردى انىقتاۋعا بولادى؟
• جاتىر موينى وبىرىن ەرتە انىقتاۋ – 30-70 جاس ارالىعىنداعى ايەلدەر
• ءسۇت بەزى وبىرىن ەرتە انىقتاۋ – 40-70 جاس ارالىعىنداعى ايەلدەر
• كولورەكتالدى وبىردى ەرتە انىقتاۋ – 50-70 جاس ارالىعىنداعى ەرلەر مەن ايەلدەر
سكرينينگتەن ءوتۋ جيىلىگى قانداي؟
سكرينينگتىك زەرتتەۋلەردىڭ كەي ءتۇرى بەس جىل سايىن، كەيبىرى – ەكى نەمەسە ءتورت جىل سايىن جاسالادى. مىسالى، ءسۇت بەزى ىسىگى مەن كولورەكتالدى وبىرعا 2 جىلدا 1 رەت، ال جاتىر موينى وبىرىنا – 4 جىلدا 1 رەت تەكسەرىلۋ قاجەت.
سكرينينگتىك باعدارلاماعا قانداي قىزمەتتەر كىرەدى؟
ايەلدەر جاتىر موينى وبىرىنا تىركەلگەن ەمحانا ارقىلى تەكسەرىلەدى. اكۋشەر-گينەكولوگ، ونكولوگ پەن ماممولوگ سىندى ماماندار كەڭەسىنە جۇگىنىپ، ۋدز، مامموگرافيا سىندى تەكسەرۋلەردەن وتە الادى. سونىمەن قاتار، ءسۇت بەزى وبىرىنىڭ الدىن الۋ ءۇشىن ۆيدەوكولپوسكوپيا نەمەسە كولپوسكوپيا، پاپ-تەست، پۋنكسيالىق بيوپسيا مەن گيستولوگيالىق زەرتتەۋلەرگە تاپسىرۋعا بولادى.
كولورەكتالدى وبىردىڭ الدىن الۋعا ارنالعان تەكسەرۋلەردەن ەرلەر دە، ايەلدەر دە ءوتۋى ءتيىس. پروفيلاكتيكالىق ءىس-شارالار بارىسىندا ولار حيرۋرگ، ونكولوگ، گاستروەنتەرولوگ پەن پروكتولوگ مامانداردان كەڭەس الادى. سونداي-اق، ۇلكەن دارەتتەگى جاسىرىن قاندى تەكسەرۋ ماقساتىندا شۇعىل ادىسپەن گەموكۋلت-تەست تاپسىرادى، جالپى ۆيدەوكولونوسكوپيۋ، ەندوسكوپيالىق بيوپسيا جانە گيستولوگيالىق تەكسەرۋلەردەن وتۋگە بولادى. پروفيلاكتيكالىق تەكسەرلەر ءمامس پاكەتىنە ەنگەن، سوندىقتان سكرينينگتەن وتەتىن ازامات ساقتاندىرىلعان بولۋى شارت.
سكرينينگ وتكەننەن كەيىن نە ىستەيمىز؟
سكرينينگتىك زەرتتەۋدەن وتكەن پاسيەنتتەر دەنساۋلىعىنان اقاۋ تابىلعان جاعدايدا سالالىق مامانداردىڭ كونسۋلتاسياسىنا جىبەرىلەدى، قاجەت بولعاندا ەم تاعايىندالادى.