الماتىدا بيىل موپەدتەردىڭ قاتىسۋىمەن 359 جول-كولىك وقيعاسى تىركەلدى
الماتى پوليسياسى قالادا كوكتەمگى-جازعى كەزەڭدە كولىكتىڭ جەكەلەگەن تۇرلەرىنىڭ قوزعالىسىن باقىلاۋدى كۇشەيتۋ شارالارى قابىلدانۋدا، بۇل قالاداعى جول-كولىك وقيعالارىنىڭ دەڭگەيىنە اسەر ەتۋى مۇمكىن، دەپ حابارلايدى aqshamnews.kz
اڭگىمە بالامالى كولىك قۇرالدارى تۋرالى بولىپ وتىر، ولاردىڭ قاتارىنا موپەدتەر، موتوسيكلدەر، سكۋتەرلەر، ساموكاتتار جانە تاعى باسقا كولىك تۇرلەرى كىرەدى.
الماتى قالالىق پوليسيا دەپارتامەنتىنىڭ جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆتىڭ ايتۋىنشا، موپەدتەر مەن ەلەكتروساموكاتتاردى تىزگىندەگەن ادامداردىڭ سانى ارتقان سايىن، ولاردىڭ قاتىسۋىمەن جول قوزعالىسى ەرەجەلەرىن بۇزۋ سانى دا وسكەن.
"تاجىريبە كورسەتكەندەي، موپەدتەر مەن ەلەكتروساموكاتتاردى جۇرگىزەتىن ادامداردىڭ سانى كوبەيىپ، سونىڭ سالدارىنان ولاردىڭ قاتىسۋىمەن جول قوزعالىسى ەرەجەلەرىن بۇزۋ دەرەكتەرى دە ارتۋدا. بالامالى كولىك تۇرلەرىن جۇرگىزەتىن ادامداردىڭ قازاقستان رەسپۋبليكاسىنىڭ جول قوزعالىسى ەرەجەلەرىن بۇزۋ دەرەكتەرىن انىقتاۋ بويىنشا جۇمىس كۇشەيتىلدى. الدىن الۋ شارالارىنىڭ ءبىر كۇنىندە الدىڭعى شەپتەگى بولىمشەلەر موپەد جۇرگىزۋشىلەرى جاساعان 150-دەن استام جول قوزعالىسى ەرەجەلەرىن بۇزۋ دەرەگىن انىقتادى،" – دەدى شۋمايەۆ.
سونىمەن قاتار، ول جىل باسىنان بەرى الماتىدا موپەدتەر مەن ەلەكتروساموكاتتاردىڭ قاتىسۋىمەن 359 جول-كولىك وقيعاسى تىركەلىپ، ناتيجەسىندە 364 ادام زارداپ شەگىپ، التاۋى قازا تاپقانىن اتاپ ءوتتى.