مالدىڭ جايىنا قانىق موڭعوليانى جۇت ابدەن تىعىرىققا تىرەدى.
بىلتىر جىل اياعىندا موڭعوليادا قوي، ەشكى، جىلقى جانە سيىردى قوسقاندا بارلىعى 65 ميلليونعا جۋىق باس مال بولعان. قىستا سونىڭ 1 جارىم ميلليونى قىرىلىپ قالدى. ويتكەنى اياز 50 گرادۋسقا دەيىن كوتەرىلگەن. جالپى ەلدە مۇنداي جۇتتىڭ ەڭ ءىرىسى 2010-2011 جىلدارى بولىپ، 10 ملن باس مال قىرىلسا، 2022-2023 جىلدارى 4 جارىم ملن مال ايازدا قاتىپ قالعان، دەپ حابارلايدى Almaty-akshamy.kz.
«بۇدان دا اۋىر كەزەڭدەردى باستان وتكەردىك. بيىل قىس وزىنشە قاتتى بولدى. ءوزىم باعىپ وتىرعان 2 سيىرىمدى جۇت جۇتىپ كەتتى. ءقازىر ەندى قالعانىن جايىلىمعا شىعارماي، قورادا ۇستاپ وتىرمىز»، - مالشى حوسبايار.