كەشە موڭعوليا مەديسينا عىلىمدارى اكادەمياسىنىڭ اكادەميگى، مەديسينا عىلىمدارىنىڭ دوكتورى، پروفەسسور نوتا انۋار ۇلى جۇبايى بانۋ ەنشىبايقىزىمەن بىرگە جول اپاتىنان قازا بولدى، - دەپ حابارلايدى اlmaty-akshamy.kz 24.kz-كە سىلتەمە جاساپ.
بۇل تۋرالى دارىگەردىڭ تۋىس-تۋعاندارى الەۋمەتتىك جەلىدە جازدى.
نوتا انۋار ۇلى - موڭعوليانىڭ ەڭبەك ەرى اتاعىن العان ساناۋلى قازاقتىڭ ءبىرى. ول - موڭعوليانىڭ مەملەكەت قايراتكەرى، حالىق دارىگەرى، موڭعوليانىڭ ەڭبەك سىڭىرگەن ادام دارىگەرى، دۇنيەجۇزىلىك نەيروحيرۋرگيا فەدەراسياسىنىڭ مۇشەسى، موڭعوليا مەديسينا عىلىمدارى اكادەمياسىنىڭ اكادەميگى، مەديسينا عىلىمدارىنىڭ دوكتورى، پروفەسسور، كەڭەسشى نەيروحيرۋرگ، "اچ" مەديسينا ۋنيۆەرسيتەتى حيرۋرگيا كافەدراسىنىڭ مەڭگەرۋشىسى، "اچ" كلينيكالىق اۋرۋحاناسىنىڭ كەڭەسشى دارىگەرى.
نوتا انۋار ۇلى 1945 جىلى 24 قازاندا دۇنيەگە كەلگەن. 2021 جىلى موڭعوليا پرەزيدەنتىنىڭ جارلىعىمەن موڭعوليانىڭ ەڭبەك ەرى اتاعىن العان بولاتىن.