ءقازىر ءموبيلدى قوسىمشانى پايدالاناتىنداردىڭ ءبىر عانا «اۋدارىم» جاساۋ مۇمكىندىگى بار. ەندى «تولەم» جولى پايدا بولۋى كەرەك. اۋدارىمدار تۋىستار اراسىندا جۇزەگە اسىرىلادى، ال تاۋارلار، جۇمىستار مەن قىزمەتتەر ءۇشىن تولەمدەر جۇرگىزىلەدى.  ول قولما-قول اقشامەن دە، كارتامەن دە تولەۋگە بولاتىنداي فۋنكسيا، - دەدى سۇلتانعازييەۆ.

ۆيسە-مينيستر ايتقانداي، بۇل كاسىپكەرلەرگە قوسىمشا سالماق تۇسىرمەيدى. سالىق مولشەرلەمەلەرى، تولەۋ مەرزىمى، ەسەپ بەرۋ ءتارتىبى وزگەرىسسىز قالادى.

ەگەر ءسىز اقشا اۋدارعان بولساڭىز، وندا ءسىز تۇتىنۋشى رەتىندە ءوز قۇقىقىڭىزدى قورعاۋ مۇمكىندىگىن ايىرىلىپ وتىرسىز. ويتكەنى ءسىز زاتتى الماعانمەن، ول ءۇشىن تەك اۋدارىم جاسادىڭىز. ەگەر ءسىز ونى ساتىپ الساڭىز، سىزگە چەك بەرىلەدى، بۇل ءونىم مەن قىزمەت ءۇشىن تولەم ەكەنىن كورسەتەدى. كەيىن تۇتىنۋشى رەتىندە ءونىمنىڭ ساپاسىنا تالاپ قويۋعا، ونى قايتارۋعا بولادى. ال بۇلاي جاساماساڭىز، وندا ءسىز تۇتىنۋشى رەتىندە قۇقىعىڭىزدان ايىرىلدىڭىز. تولەمدى ەمەس، اۋدارىمدى قابىلداعان جەكە كاسىپكەر مۇنى سالىق ەسەپتىلىگىندە كورسەتۋى ەكىتالاي، - دەپ ءتۇسىندىردى قارجى مينيسترلىگىنىڭ وكىلى.