پيلوتتىق جوبا ءجۇرىپ جاتىر.
بيىلدان باستاپ سالىقشىلارعا بانك مالىمەتتەرىنە سايكەس كاسىپكەرلىك قىزمەتپەن اينالىسۋ بەلگىلەرى بار تۇلعالار تۋرالى اقپاراتتار تۇسەدى، دەپ حابارلايدى Almaty-akshamy.kz
ۆيسە-پرەمەر – قارجى ءمينيسترى ەرۇلان جاماۋبايەۆ ءموبيلدى اۋدارىمدار ءۇشىن كىمدەرگە سالىق سالىناتىنىن ءتۇسىندىردى.
مينيستر ءموبيلدى اۋدارىمداردى رەتتەيتىن زاڭ بىلتىر قابىلدانعانىن ەسكە سالدى. ايتۋىنشا، بانكتەرمەن پيلوتتىق جوبا ءجۇرىپ جاتىر.
"ءبىز مىناداي كريتەريي قويدىق – ءۇش اي ىشىندە ءبىر كارتوچكاعا 100 اۋدارىم. ءبىز باقىلايمىز. بۇل شارتتى كريتەرييلەر، ءبىز ونى وزگەرتۋىمىز دە مۇمكىن، از نە كوپ بولۋى دا ىقتيمال. زاڭ بىلتىر قابىلدانعان جانە كاسىپكەرلىك قىزمەت بەلگىلەرى بار ءموبيلدى اۋدارىمدارعا سالىق سالۋعا باعىتتالعان. ال ەگەر ءموبيلدى اۋدارىمدار تۋىسقاندار، ارىپتەستەر اراسىندا جاسالسا، ەندى ءتۇرلى جاعداي بولادى عوي، وندا بۇل كاسىپكەرلىك قىزمەتكە جاتپايدى جانە وعان سالىق سالىنبايدى"، - دەپ ءتۇسىندىردى جاماۋبايەۆ ءماجىلىس كۋلۋارىندا.
ايتۋىنشا، بيزنەسى بار ادامدار كاسىپكەرلىك قىزمەت ءتۇرى بويىنشا تىركەلىپ، اۋدارىمدار ءۇشىن بولەك ارنايى شوت اشۋى كەرەك. ءسويتىپ سالىق تولەۋگە مىندەتتەلەدى.
قارجى مينيسترلىگى مەملەكەتتىك كىرىستەر كوميتەتى تۇسىندىرگەندەي، بيىلدان باستاپ سالىقشىلارعا بانك مالىمەتتەرىنە سايكەس كاسىپكەرلىك قىزمەتپەن اينالىسۋ بەلگىلەرى بار تۇلعالار تۋرالى اقپاراتتار تۇسەدى.
ەگەر ازاماتتىڭ جەكە بانك شوتىنا ءۇش ايدىڭ ىشىندە اي سايىن 100 نە ودان كوپ ادامنان اقشا تۇسسە، ولار باقىلاۋعا الىنادى.
بانكتەر كەزەڭ-كەزەڭمەن اقپارات ۇسىنادى:
2023 جىلدان باستاپ – مەملەكەتتىك قىزمەتشىلەر، ولارعا تەڭەستىرىلگەن تۇلعالار جانە ولاردىڭ جۇبايلارى بويىنشا؛
2024 جىلدان – مەملەكەتتىك مەكەمەلەر، كۆازيمەملەكەتتىك سەكتور سۋبەكتىلەرىنىڭ قىزمەتكەرلەرى مەن ولاردىڭ جۇبايلارى؛
2025 جىلدان – جەكە كاسىپكەرلەر، زاڭدى تۇلعالاردىڭ باسشىلارى مەن ولاردىڭ جۇبايلارى؛
2026 جىلدان – حالىقتىڭ قالعان بولىگى بويىنشا.