فرانسيادان كەلگەن باقىلاۋشى الماتى تۇرعىندارىنىڭ سايلاۋعا ءپوزيتيۆتى قارايتىنىن اتاپ ءوتتى، دەپ حابارلايدى اlmaty-akshamy.kz.
IFRI ورتالىعىنىڭ (فرانسيانىڭ حالىقارالىق قاتىناستار ينستيتۋتى) ساراپشىسى ميكاەل ليەۆيستون الماتىداعى قازاقستان رەسپۋبليكاسى پرەزيدەنتىنىڭ سايلاۋىن جاريالاۋ جونىندەگى باسپا ءسوز ورتالىعىندا سويلەگەن سوزىندە ءوتىپ جاتقان سايلاۋ كۇنى تۋرالى جالپى اسەرىمەن ءبولىستى.
«بارىنەن دە سايلاۋ پروسەسىنە جاستارمەن قاتار اعا بۋىن وكىلدەرىنىڭ دە قاتىسۋى تاڭ قالدىرادى. سايلاۋ قارقىندى جانە بەلسەندى وتۋدە»، - دەدى م.ليەۆيستون.
بۇگىن فرانسۋزدىق باقىلاۋشى 5 سايلاۋ ۋچاسكەسىندە بولعان، ولاردىڭ ءبىرى ۇلتتىق كىتاپحانادا ورنالاسقان.
«مەن جاڭا قازاقستان ءۇشىن داۋىس بەرۋگە كەلگەن ادامدارعا كوپ كوڭىل ءبولدىم. جانە بۇل تەك 50 جانە 60 جاستاعى ادامدار عانا ەمەس. كەلۋشىلەر اراسىندا 18 جاستاعى ازاماتتار دا بار. مىسالى، سايلاۋعا ومىرىندە ءبىرىنشى رەت كەلگەن جىگىت تە بولدى. مەملەكەتتىڭ ءوز بولاشاعىنا ۇمتىلىپ جاتقانى انىق»، - دەپ جالعاستىردى سپيكەر.
سونداي-اق، ول قازاقستاندا مۇمكىندىگى شەكتەۋلى جانداردىڭ سايلاۋ ۋچاسكەلەرىنە كەلۋى ءۇشىن بارلىق جاعداي جاسالعانىن، ونىڭ كوپتەگەن ەلدەرگە ۇلگى ەكەنىن اتاپ ءوتتى.