قازاقستاننىڭ ەڭبەك ەرى، «التىن جۇلدىز»، «وتان» وردەنىنىڭ يەگەرى، قازاقستاننىڭ ەڭبەك سىڭىرگەن قايراتكەرى اياگۇل ميرازوۆا اتىنداعى «الماتى دارىنى» ءىى قالالىق ماتەماتيكالىق وليمپيادانىڭ قورىتىندىسى №178 مامانداندىرىلعان ليسەي بازاسىندا ءوتتى، دەپ حابارلايدى اlmaty-akshamy.kz.
ماتەماتيكا ءپانى بويىنشا وقۋشىلاردىڭ قىزىعۋشىلىعىن قالىپتاستىرۋ، ستاندارتتى ەمەس ويلاۋدى دامىتۋ، وقۋشىلاردى ماتەماتيكالىق ۇعىمداردى تالداۋعا، سىني تۇرعىدا ويلاۋعا، كۇردەلى ەسەپتەردى شەشۋگە داعدىلاندىرۋ ماقساتىندا وتكەن دودا تارتىستى ءارى قىزىقتى بولدى. بۇل ءىس-شارا جاس ماتەماتيكتەرگە ءوز قابىلەتتەرىن كورسەتۋگە جانە ماتەماتيكا سالاسىندا لايىقتى تانىلۋعا تاماشا مۇمكىندىك بەردى.
ايتا كەتۋ كەرەك، وليمپيادا مەكتەپىشىلىك، اۋداندىق، قالالىق ءۇش كەزەڭدە ءوتتى. ال اۋداندىق كەزەڭىنە ءبىلىم بەرۋ مەكەمەلەرىنىڭ 8-9 سىنىپتارىنان 755 وقۋشى قاتىسىپ، ەڭ ۇزدىك ناتيجەمەن 106 وقۋشى قالالىق كەزەڭدە قاتىستى.
وليمپيادانىڭ قورىتىندىسى بويىنشا 11 وقۋشى جەڭىمپاز بەن جۇلدەگەر اتاندى. اتاپ ايتساق، №90 مامانداندىرىلعان مەكتەپ-ليسەيدىڭ 8 سىنىپ وقۋشىسى لي يگور، №18 گيمنازيانىڭ 9 سىنىپ وقۋشىسى گادەيەۆا ديانا ءى دارەجەلى ديپلوممەن ماراپتتالىپ، 100 000 تەڭگە اقشالاي سەرتيفيكاتى مەن پلانشەت تابىستالدى. №130 مەكتەپ-گيمنازيانىڭ اتىنان دوداعا تۇسكەن 8 سىنىپ وقۋشىسى كوشكاروۆ مانسۋر، «ءبىلىم-يننوۆاسيا» مامانداندىرىلعان ليسەي-ينتەرناتىنىڭ 8 سىنىپ وقۋشىسى كەمەلباي مۇحاممەدمانسۇر، ي.ۆ.پانفيلوۆ اتىنداعى №54 قازاقستان-رەسەي مامانداندىرىلعان مەكتەپ-ليسەيدىڭ 9 سىنىپ وقۋشىسى گوديايەۆ دميتريي، الماتى قىزدار مەكتەپ-ليسەي-ينتەرناتىنىڭ 9 سىنىپ وقۋشىسى ناعاشبەك نۇرايلىمنىڭ باعى شاۋىپ ءىى دارەجەلى ديپلوممەن، 50 000 تەڭگە اقشالاي سەرتيفيكات مەن ياندەكس ستانسياسى تابىستالدى. ال ءۇشىنشى ورىن تۇعىرىنان كورىنگەن وقۋشىلار،ا 30 000 تەڭگە جانە قۇلاققاپتار تاىستالدى.
سونىمەن قاتار، 10 وقۋشىعا ىنتالاندىرۋ سىيلىعى رەتىندە كىتاپ دۇكەندەرىنىڭ بىرىنە 10 000 تەڭگە كولەمىندەگى سەرتيفيكات بەرىلدى.
