اۋىل شارۋاشىلىعى مينيسترلىگى ەلىمىزدىڭ ىشكى نارىعىن قانتپەن قامتاماسىز ەتۋ شارالارىن ءتۇسىندىردى، دەپ حابارلايدى Almaty-akshamy.kz Inform.kz-كە سىلتەمە جاساپ.
«بۇل سالاداعى جاعدايدى وزگەرتۋ ءۇشىن ءتيىستى شارالار قابىلدانىپ جاتىر. قازاقستان رەسپۋبليكاسىنىڭ وتاندىق قانت نارىعىنداعى جاعدايدى تۇراقتاندىرۋ جونىندەگى 2022 – 2026 جىلدارعا ارنالعان ءىس-شارالار جوسپارى ازىرلەندى»، - دەلىنگەن مينيسترلىكتىڭ قازاقپارات اگەنتتىگىنە بەرگەن جاۋابىندا.
سونىمەن قاتار بۇل سالاداعى ماسەلەلەرگە قاتىستى فەرمەرلەرمەن جانە زاۋىت يەلەرىمەن كەزدەسۋلەر وتكىزىلىپ، كەلىسسوزدەر جۇرگىزىلدى.
«وسى ورايدا زاۋىتتاردىڭ ساتىپ الۋ باعاسىن تونناسىنا 3-5 مىڭ تەڭگەگە ۇلعايتا وتىرىپ، 15 مىڭ تەڭگەگە دەيىن جەتكىزۋ تۋرالى كەلىسىمگە قول جەتكىزىلدى. بۇل رەتتە وبلىس اكىمدىكتەرى تاراپىنان سۋبسيديالاۋ ءنورماتيۆى دە 15 مىڭ تەڭگەگە دەيىن ۇلعايدى. سۋبسيديالاردى تولەۋ وڭدەۋشى كاسىپورىنعا وڭدەۋگە تاپسىرىلعان نەمەسە ءوزىنىڭ وڭدەۋشى قۇرىلىمدارىنا وڭدەۋگە بەرىلگەن قانت قىزىلشاسى ءونىمىنىڭ تونناسى ءۇشىن جۇزەگە اسىرىلادى. بۇل شارالار قانت قىزىلشاسىن ءوسىرۋدىڭ رەنتابەلدىگىن ساقتاۋعا مۇمكىندىك بەرەدى»، - دەپ اتالىپ وتكەن ۆەدومستۆو مالىمەتىندە.
مۇنىمەن قوسا، سۋمەن قامتاماسىز ەتۋ بويىنشا باعدارلامالار قابىلدانادى.
«سۋ تاپشىلىعى پروبلەماسىن شەشۋ باعىتىندا سۋدى ۇنەمدەۋ تەحنولوگيالارىن كەڭىنەن ەنگىزۋ قاراستىرىلعان. تامشىلاتىپ سۋارۋ جانە جاڭبىرلاتىپ سۋارۋ جۇيەلەرىن ساتىپ الۋعا ارنالعان جەڭىلدىكپەن نەسيە بەرۋ باعدارلاماسى ەنگىزىلىپ جاتىر. بۇدان بولەك، جابدىقتى ساتىپ الۋعا سالىنعان ينۆەستيسيالاردىڭ 50 پايىزىن قايتارۋدى، سونداي-اق بارلىق قاجەتتى ينفراقۇرىلىمدى جۇرگىزۋدى كوزدەيتىن سۋبسيديالاۋ باعدارلاماسى جالعاسادى»، - دەپ اتالىپ وتكەن ۆەدومستۆو مالىمەتىندە.
اتاپ ايتقاندا، قانت قىزىلشاسىن وڭدەپ-وسىرۋگە باسقا وڭىرلەردى تارتۋ ماسەلەلەرى قاراستىرىلىپ جاتىر. ەرتىس-قاراعاندى كانالى ايماعىندا ينۆەستور ەسەبىنەن جاڭا قانت زاۋىتىن سالۋ سياقتى ماسەلەلەر قوسىمشا پىسىقتالىپ وتىر.
«قابىلدانىپ جاتقان شارالار 2026 جىلعا قاراي قانت قىزىلشاسىنىڭ القابىن 30 مىڭ گەكتارعا جەتكىزۋگە مۇمكىندىك بەرەدى»، - دەلىنگەن مينيسترلىك اقپاراتىندا.
بۇدان بۇرىن حابارلانعانداي، اۋىل شارۋاشىلىعى مينيسترلىگى قانت قىزىلشاسى القاپتارىن كەڭەيتۋگە نە كەدەرگى بولىپ وتىرعانىن تۇسىندىرگەن ەدى.
بيىل ۇكىمەتتىڭ كەڭەيتىلگەن وتىرىسىندا پرەزيدەنت قانت وڭدەۋ زاۋىتتارىنىڭ جۇمىسى مەن قانت قىزىلشاسى القاپتارىنىڭ ازايعانىن سىنعا العان ەدى.