مينيسترلىك ءبىلىم باسقارمالارى باسشىلارىنىڭ تەلەفون نومىرلەرىن جاريالادى

 بۇل ازاماتتاردىڭ وتىنىشتەرىنە جەدەل جاۋاپ بەرۋ ماقساتىندا جاريالانىپ وتىر.

وقۋ-اعارتۋ مينيسترلىگى ەلىمىزدىڭ بارلىق وڭىرىندەگى ءبىلىم باسقارمالارى باسشىلارىنىڭ ۇيالى تەلەفوندارى مەن الەۋمەتتىك جەلىدەگى اككاۋنتتارىن جاريالادى. سونداي-اق ورىنباسارلارىنىڭ نومىرلەرى دا كورسەتىلگەن، دەپ حابارلايدى Almaty-akshamy.kz ق ر وقۋ-اعارتۋ مينيسترلىگىنە سىلتەمە جاساپ. 

«ءبىلىم بەرۋ ۇيىمدارىنىڭ جۇمىسىنا، بالالاردى وقىتۋعا جانە باسقا دا ماسەلەلەرگە قاتىستى سۇراقتار تۋىنداعان جاعدايدا، قازاقستاندىقتار ءبىلىم باسقارمالارى مەن اۋماقتىق بولىمدەردىڭ باسشىلارىنا تىكەلەي حابارلاسا الادى. اتا-انالار، پەداگوگتەر ءبىلىم سالاسىنداعى پروبلەمالار جايىندا حابارلاي الادى. باسشىلار ازاماتتاردىڭ وتىنىشتەرىنە جەدەل دەن قويىپ، قاجەتتى شەشىمدەردى ۋاقىتىندا قابىلداۋى قاجەت. قارجىلاندىرۋ، قۇرىلىس، جوندەۋ جۇمىستارى اكىمدىكتەردىڭ قۇزىرىندا ەكەنىن ەستەرىڭىزگە سالا كەتەيىن»، - دەدى مەكتەپكە دەيىنگى جانە ورتا ءبىلىم كوميتەتىنىڭ ءتوراعاسى گۇلميرا كارىموۆا.

سونىمەن قاتار ءبىلىم باسقارمالارىندا call-ورتالىقتار قۇرىلدى. وعان دا ازاماتتار ءبىلىم بەرۋ ماسەلەلەرى بويىنشا جۇگىنە الادى. Call-ورتالىقتاردىڭ نومىرلەرى الەۋمەتتىك جەلىلەردەگى پاراقشالاردا جاريالانعان.

ءبىلىم باسقارمالارى باسشىلارىنىڭ ءنومىرىن مىنا جەردەن كورۋگە بولادى.