ناقتىراق ايتقاندا، وقۋ-اعارتۋ مينيسترلىگى مەكتەپكە دايىندىق بارىسىندا بالالاردى سۋرەتكە تۇسىرمەۋگە شاقىردى. مۇنداي سۋرەتتەر بالالاردىڭ پسيحولوگياسىنا قاتتى اسەر ەتەدى.
وقۋ-اعارتۋ مينيسترلىگى بالالاردىڭ قۇقىقتارىن قورعاۋ كوميتەتىنىڭ ءتوراعاسى ناسىمجان وسپانوۆا وسىلاي دەدى، دەپ حابارلايدى Almaty-akshamy.kz Kznews.kz-كە سىلتەمە جاساپ.
«كومەك بەرىپ، جاقسىلىق جاساعاندا بالانىڭ وسال، سەزىمتال ەكەنىن ەستەن شىعارماۋلارىڭىزدى وتىنەمىن. سوندىقتان، سىيلىق الىپ جاتقان بالانىڭ سۋرەتتەرىن الەۋمەتتىك جەلىلەر مەن عالامتورعا جاريالاماۋلارىڭىزدى سۇرايمىز. وكىنىشكە وراي، بۇل سۋرەتتى كەيبىرەۋلەر قۋدالاۋ قۇرالىنا اينالدىرا الادى. مەيىرىمدىلىك جاساڭىز، ءبىراق بۇل جاقسىلىقتى ايعايلاپ تۇرىپ كورسەتپەسەڭىز دە بولادى»، — دەدى وسپانوۆا ورتالىق كوممۋنيكاسيالار قىزمەتىندە وتكەن بريفينگتە.
ەسكە سالايىق، ءبىلىم مينيسترلىگىنىڭ باستاماسىمەن 2008 جىلدان بەرى جىل سايىن 1 تامىز بەن 30 قىركۇيەك ارالىعىندا ەلىمىزدىڭ بارلىق ايماقتارىندا «مەكتەپكە جول» رەسپۋبليكالىق قايىرىمدىلىق اكسياسى وتكىزىلىپ كەلەدى.
اكسيا ەرەكشە ءبىلىم بەرۋدى قاجەت ەتەتىن، كوپ بالالى جانە تۇرمىسى ناشار وتباسىلاردان شىققان، سونداي-اق اسىراۋشىسىنان ايىرىلعان بالالارعا الەۋمەتتىك قولداۋ كورسەتۋگە باعىتتالعان.