مينيسترلىك بالالار كۇنىنە ءبىرجولعى جاردەماقى تولەنەتىنى تۋرالى اقپارات جالعان ەكەنىن مالىمدەدى

جالعان اقپارات تاراتۋ زاڭمەن جازالانادى

ەڭبەك مينيسترلىگىنىڭ حابارلاۋىنشا، 1 ماۋسىم – حالىقارالىق بالالاردى قورعاۋ كۇنىنە وراي 18 جاسقا دەيىنگى بالالارى بار وتباسىلارعا «Kaspi gold» ءموبيلدى قوسىمشاسىنداعى الەۋمەتتىك شوت ارقىلى ءبىرجولعى جاردەماقى تولەنەتىنى تۋرالى اقپارات جالعان. بۇل تۋرالى Almaty-akshamy.kz Inform.kz-كە سىلتەمە جاساپ حابارلادى.

«ازاماتتاردان جالعان اقپاراتتارعا نازار اۋدارماۋدى جانە اقپاراتتى تەك رەسمي دەرەككوزدەردەن پايدالانۋدى سۇرايمىز. جالعان اقپارات تاراتۋ زاڭمەن جازالانادى»، - دەلىنگەن مينيسترلىك حابارلاماسىندا.

ايتا كەتسەك، «Kaspi gold» قوسىمشاسىندا رەسپۋبليكالىق بيۋدجەتتەن بالا تۋعاندا بەرىلەتىن ءبىرجولعى جاردەماقىنى رەسىمدەۋ بويىنشا مەملەكەتتىك قىزمەت جۇزەگە اسىرىلعان. سونداي-اق جوعارىدا كورسەتىلگەن قوسىمشا ارقىلى ازاماتتار رەسپۋبليكالىق بيۋدجەتتەن جۇمىس ىستەمەيتىن ايەلدەر ءۇشىن ءبىر جاسقا دەيىنگى بالا كۇتىمى بويىنشا جاردەماقى رەسىمدەي الادى. جاردەماقى مولشەرى وتباسىنداعى بالالار سانىنا بايلانىستى سارالانادى. وسى جىلى ءبىرىنشى بالاعا اي سايىن 17 643 تەڭگە (5،76 اەك)، ەكىنشى بالاعا – 20 860 تەڭگە (6،81 اەك)، ءۇشىنشى بالاعا – 24 045 تەڭگە (7،85 اەك)، ءتورتىنشى جانە ودان كەيىنگى بالاعا – 27 261 تەڭگە (8،90 اەك) تولەنەدى