ەلىمىزدە جىلىتۋ ماۋسىمىنا دايىندىق بارىسىندا جىلۋ ەلەكتر ورتالىقتارىنىڭ جول كارتاسى ازىرلەندى.
بۇل تۋرالى ەنەرگەتيكا ءمينيسترى الماسادام ساتقالييەۆ ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«تەحنيكالىق جاي-كۇيى 90% دەيىن توزعان جىلۋ ەلەكتر ورتالىقتارى بار. نەگىزى ول ستانسالار جاڭاعا اۋىستىرىلۋ كەرەك. جىلىتۋ ماۋسىمىنا دايىندىق بارىسىندا ەلدەگى بار جىلۋ ەلەكتر ورتالىقتارىنىڭ جول كارتاسى ازىرلەندى. ءبىز ستانسالاردىڭ قاي قازاندىقتارى، قانداي تۋربينالار مەن جەلىلەرىن جوندەۋ كەرەكتىگىن بىلەمىز. ريددەر، ەكىباستۇز، جەزقازعان، تەمىرتاۋ، ماڭعىستاۋ اەك جانە كەنتاۋداعى جىلۋ ەلەكتر ستانسالارىنىڭ جاعدايى ءماز ەمەس. ستانسالار توزعان، جوندەۋ جۇمىستارىن جۇرگىزۋ قاجەت»، - دەدى الماسادام ساتقالييەۆ ۇكىمەت وتىرىسىنان كەيىن ب ا ق وكىلدەرىنىڭ ساۋالىنا جاۋاپ بەرە تۇرىپ.
ءمينيستردىڭ ايتۋىنشا، اتالعان نىسانداردى جوندەۋ ماسەلەسى باقىلاۋدا بولادى.
ودان بولەك، ب ا ق وكىلدەرى مينيستردەن «الداعى جىلىتۋ ماۋسىمىندا ەكىباستۇزدىقتاردىڭ الاڭداۋىنا سەبەپ بار ما؟» دەپ سۇرادى.
«مەن ەكىباستۇزعا بارىپ، ونداعى جاعدايدى ءوز كوزىممەن كورەمىن. اكىمدىكتىڭ، مەملەكەتتىك ەنەرگوقاداعالاۋ ۇيىمىنىڭ مالىمەتىنشە، جەو-دا جۇمىس ويداعىداي ءجۇرىپ جاتىر. جوندەۋ جۇمىستارىنا قاجەتتى جابدىق ساتىپ الىندى. ونداعى جاعدايدى تانىسقاننان كەيىن عانا ايتا الامىن. تامىزدا – ەكىباستۇز جىلۋ ەلەكتر ورتالىعىنا، شىلدەدە – ريددەرگە، ال ەرتەڭ سقو-عا بارامىن»، - دەدى ۆەدومستۆو باسشىسى.
سونداي-اق ا. ساتقالييەۆ ەكىباستۇز جىلۋ ورتالىعىنداعى جوندەۋ جۇمىستارىن قاراشاعا دەيىن ءبىتىرۋ كەرەكتىگىن ايتتى.