سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين بۇگىن بايلانىس وپەراتورلارىنىڭ قىزمەتىنە شۇيلىكتى.
ول ينتەرنەت وپەراتورلارىنا جىل سوڭىنا دەيىن 4 ملرد تەڭگە ايىپپۇل سالۋعا ۋادە بەردى، دەپ حابارلايدى Almaty-akshamy.kz.
«ايىپپۇلدار وتە تومەن بولعان كەزدە ولار ودان قورىقپايتىن. 2020 جىلى ءبىز 100 ملن تەڭگەگە دەيىن عانا ايىپپۇل جازىپ بەرگەنبىز. ال بيىل جارتى جىلدىڭ وزىندە 1،5 ملرد تەڭگەنىڭ ايىپپۇلىن جازدىق. جىل اياعىنا دەيىن 4 ملرد تەڭگەدەي انىق بولادى، مەن ۋادە بەرەمىن. بۇل – ولاردىڭ قالتاسىنا ايتارلىقتاي سالماق. سوندىقتان ولار ويلانىپ، بەلگىلى ءبىر ناقتى شارالار ۇسىنا باستادى»، - دەدى باعدات مۋسين.
ونىڭ پايىمىنشا، مينيسترلىك ايىپپۇلدى كوتەرگەن سوڭ وپەراتورلار دا ءتاريفتى كوتەردى دەگەن تۇسىنىك – جاڭساق.
«ءتاريفتى ءبىرجاقتى تارتىپپەن كوتەرۋ ماسەلەسى تۇرعان جوق. ماسەلە ينۆەستيسيانىڭ بار-جوعىندا. ايىپپۇلدى كوتەرىپ ەدىك، ولار ساپانى كوتەرۋ كەرەكتىگىن ءتۇسىندى»، - دەدى مينيستر.