ميكروقارجى ۇيىمدارى قانداي جاعدايلاردا ليسەنزياسىنان ايىرىلۋى مۇمكىن

مقۇ بەرەتىن نەسيەلەر 20 پايىزدان اسپاۋى كەرەك

ق ر قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ءبىرىنشى ورىنباسارى نۇرلان ءابدىراحمانوۆ ميكروقارجى ۇيىمدارى قانداي جاعدايدا ليسەنزياسىنان ايىرىلۋى مۇمكىن ەكەنىن ايتتى، دەپ حابارلادى Almaty-akshamy.kz.

Zakon.kz جازۋىنشا، نۇرلان ءابدىراحمانوۆ پروبلەمالىق نەسيەلەر ۇلەسىن شەكتەۋ شارالارى قابىلدانعانىن اتاپ ءوتتى.

«ءبىز 20 پايىزدىق نورماتيۆ ەنگىزدىك. بۇل – بالانستا نەمەسە ولاردىڭ بالانستان تىس ەسەپكە الىنعانىنا قاراماستان، مقۇ بەرەتىن نەسيەلەر، ءبىراق ولار 20 پايىزدان اسپاۋى كەرەك. الداعى ۋاقىتتا بۇل تالاپتى كۇشەيتۋدى جوسپارلاپ وتىرمىز. ءبىز جاعدايدى ءجىتى باقىلايتىن بولامىز. جاڭا تاۋەكەلدەردىڭ بەلگىلەرى بايقالسا، بۇل تالاپتار كۇشەيتىلەدى»، - دەدى نۇرلان ءابدىراحمانوۆ.

ونىڭ ايتۋىنشا، بۇل پرۋدەنسيالىق نورماتيۆ.

«وسى ساندىق شەكتەۋدى بۇزعان جاعدايدا، مقۇ-عا ليسەنزيانى قايتارىپ الۋعا دەيىن شارا قولدانىلادى. ءقازىر مقۇ ليسەنزيالانعان، ال بۇزۋشىلىقتار انىقتالعان جاعدايدا ليسەنزيانى قايتارىپ الامىز. بۇل – سۋبەكتىنىڭ قىزمەتى ءىس جۇزىندە توقتاتىلدى دەگەن ءسوز»، - دەدى ول.