ويىل وزەنىنىڭ ارناسىنان اسقان تاسقىن سۋ اتىراۋ وبلىسىنداعى ميالى اۋىلىنىڭ ىرگەسىنە تىرەلىپ تۇر. سوڭعى اقپارات بويىنشا سۋدىڭ دەڭگەيى – 1 مەتر 20 سم.
ميالى – اتىراۋ قالاسىنان شالعايدا ورنالاسقان قىزىلقوعا اۋدانىنىڭ ورتالىعى. ءقازىر بۇل اۋىلدا 7650 ادام تۇرادى، دەپ حابارلايدى اlmaty-akshamy.kz
اۋدان اكىمدىگىنىڭ مالىمەتىنە سۇيەنسەك، بيىل ميالى اۋىلىن تاسقىن سۋدان قورعاۋ ءۇشىن 2،7 شاقىرىمدىق بوگەت بيىكتەتىلگەن. ءقازىر بوگەتتىڭ بيىكتىگى – 2 مەتر.
«بوگەت اۋىلدى تاسقىن سۋدان قورعايدى. ءقازىر ەۆاكۋاسيا ۋاقىتتى ءتيىمدى پايدالانۋ ءۇشىن جاريالانىپ وتىر. دۇربەلەڭگە سالىنىپ، ۇرەيگە بەرىلمەۋ قاجەت»، - دەپ حابارلادى اۋداندىق اكىمدىكتەن.
كەشە ءتۇسقايتا اۋداندىق اكىمدىك توتەنشە جاعداي جاريالادى. سوعان سايكەس، ميالىداعى تۇرعىنداردى ءقاۋىپسىز جەرگە كوشىرۋگە شەشىم قابىلداندى.
«تۇرعىنداردى قابىلداۋ ءۇشىن ى.شورەكوۆ اتىنداعى مەكتەپ-گيمنازيا، ح.دوسمۇحامەدوۆ اتىنداعى ورتا مەكتەپ پەن «نۇر-شۋاق» بالاباقشاسى دايىندالدى. ءبىرىنشى كەزەكتە ايەلدەر، بالالار، ناۋقاس ادامدار، مۇگەدەكتەر كوشىرىلەدى»، -دەپ ءمالىم ەتكەن ەدى اكىمدىكتەن.