ميحايل كۋكۋشكين: وليمپيادادا ەلىمنىڭ نامىسىن قورعاۋ - مەن ءۇشىن ۇلكەن قۇرمەت

قازاقستاندىق تەننيسشى ميحايل كۋكۋشكين توكيوداعى وليمپيادا ويىندارىن جەڭىسپەن باستادى.

ەكى سەتكە سوزىلعان ماچتا قازاقستاندىق تەننيسشىنىڭ ارگەنتينالىق فەدەريكو كوريامەن كەزدەسىپ 7:6، 7:5 ەسەبىمەن جەڭىسكە جەتكەنىن Almaty-akshamy.kz بۇدان بۇرىن حابارلاعان بولاتىن.

«بۇگىنگى كەزدەسۋ مەن ءۇشىن وڭاي بولعان جوق. ويتكەنى، مىناداي ىستىقتا تەننيس ويناۋ قيىنعا سوعاتىنى انىق. دەسە دە، وليمپيادا - ءتورت جىلدا ءبىر كەلەتىن جارىس. بۇل باسەكەنى الەمدەگى بارلىق اتلەتتەر كۇتتى. سوندىقتان مەن ءۇشىن وليمپيادانىڭ ورنى ەرەكشە. جەڭىسكە جەتكەنىم ءۇشىن قۋانىشتىمىن. مۇنداي ءىرى جارىستا، وليمپيادا ويىندارىندا، ءوز ەلىمنىڭ نامىسىن قورعاۋ - مەن ءۇشىن ۇلكەن قۇرمەت. قازىرگىدەي ساتتە كۇننىڭ ىستىعىن دا، باسقا  قيىندىقتاردى دا تۇگەل ۇمىتىپ، تەك جەڭىس تۋرالى ويلايسىڭ. كەلەسى كەزدەسۋ بۇگىنگىدەن دە قيىن بولادى، ويتكەنى قارسىلاسىم الدەقايدا قارىمدى. ءبىراق ەشنارسەگە قاراماستان، تەك جەڭىسكە جەتۋگە تىرىسامىن. جارىستى ودان ءارى جالعاستىرۋ ءۇشىن قولدان كەلگەننىڭ ءبارىن ىستەيمىن»، - دەدى كۋكۋشكين Olympic.kz تىلشىسىنە بەرگەن سۇحباتىندا.