15 ماۋسىمدا Internet Explorer-گە قولداۋ كورسەتۋ توقتاتىلاتىنىن ەسكە سالدى.
Microsoft كورپوراسياسى Windows پايدالانۋشىلارىن Edge براۋزەرىنە كوشە باستاۋعا شاقىردى. بۇل تۋرالى كومپانيانىڭ بلوگىندا حابارلاندى. كورپوراسيا وكىلدەرى قولدانۋشىلارعا ەسكىرگەن براۋزەردى قولداۋ شارالارى جاقىن ارادا اياقتالاتىنىن ەسكەرتتى، دەپ حابارلايدى Almaty-akshamy.kz Almaty.tv سىلتەمە جاساپ.
Microsoft ينجەنەرلەرى، اسىرەسە، ءىت كومپانيالارعا ۇيرەنشىكتى براۋزەردەن جاڭاسىنا اۋىسۋ قيىن بولۋى مۇمكىن ەكەنىن اتاپ ءوتتى. ءبىرىنشى كەزەكتە Microsoft كورپوراسياسى Edge-تە Internet Explorerء-دى ىسكە قوسۋعا مۇمكىندىك بەرەتىن ارنايى رەجيم بار ەكەنىن العا تارتقان. ماتەريال اۆتورلارى پايدالانۋشىلارعا بەلگىلى ءبىر سايتتاردىڭ بۇل باعدارلامامەن قالاي اشىلاتىنىن تەكسەرۋدى، ال ينجەنەرلەر ەسكى براۋزەردەن بىركەلكى ءوتۋ جانە جاڭا باعدارلامانى پايدالانۋدى باستاۋ ءۇشىن ارنايى كۇندى جوسپارلاۋعا كەڭەس بەردى.
ساراپشىلاردىڭ ايتۋىنشا، Internet Explorer-دەن Edge-گە بارلىق دەرەكتەر مەن پارامەترلەردى تاسىمالداۋ اسا ماڭىزدى. ول ءۇشىن Edge مەكەنجاي جولاعىنا «edge://settings/importData» پارمەنىن ەنگىزىپ، «يمپورتتاۋ» باتىرماسىن باسىپ، «Microsoft Internet Explorer» وپسياسىن تاڭداۋ كەرەك. Microsoft وكىلدەرى 2022 جىلدىڭ 15 ماۋسىمىندا Internet Explorer-گە قولداۋ كورسەتۋ توقتاتىلاتىنىن ەسكە سالدى. ەندى كومپيۋتەرىنە IE ورناتقىسى كەلەتىن پايدالانۋشىلار Edge براۋزەرىنىڭ پاراقشاسىنا باعىتتالادى.