مي تاڭنان سەرگەك جۇمىس ىستەۋ ءۇشىن نەنى ەسكەرۋ قاجەت؟

مي تاڭنان سەرگەك جۇمىس ىستەۋ ءۇشىن قىسقا اقىل-وي جاتتىعۋىن جاساعان جەتكىلىكتى، - دەپ حابارلايدى aqshamnews.kz ءتىلشىسى UfaTime.ru-عا سىلتەمە جاساپ. 

دارىگەرلەردىڭ ايتۋىنشا، كۇن سايىن اسىقپاي ورىندالاتىن 5–10 مينۋتتىق جاتتىعۋلار ەستە ساقتاۋ مەن زەيىندى جاقسارتىپ، كوڭىل كۇيدى كوتەرۋگە جانە كوگنيتيۆ دەنساۋلىقتى قولداۋعا كومەكتەسەدى. سول جاتتىعۋلاردىڭ ءبىرى - "كەرى ساناۋ": مىسالى، 30-دان 1-گە دەيىن نەمەسە 20-دان 1-گە دەيىن باياۋ ساناۋ كەرەك، قالاعان جاعدايدا ءبىر ساندى اتتاپ ساناۋعا بولادى.

سونداي-اق، ماماندار "ءۇش زاتتى اتا" جاتتىعۋىن ۇسىندى: اينالاڭىزعا قاراپ، داۋىستاپ ءۇش زاتتى اتاڭىز دا، ءبىر مينۋتتان كەيىن سول زاتتاردى قايتا ەسكە تۇسىرۋگە تىرىسىڭىز.

دارىگەرلەردىڭ پىكىرىنشە، اسسوسياسيالار ويىنى دا پايدالى: ءبىر ءسوزدى (مىسالى، "الما") ايتىپ، وعان قاتىستى ءۇش اسسوسياسيا كەلتىرۋ كەرەك ("ءتاتتى"، "قىزىل"، "ب ا ق"). سانداردى ەستە ساقتاۋدى دامىتۋ ءۇشىن بىرەۋدەن 3–4 سان ايتۋىن سۇراپ، ولاردى 30 سەكۋندتان نەمەسە 1 مينۋتتان كەيىن قايتالاپ ايتۋعا بولادى.

ماماندار زەيىنگە ارنالعان تاپسىرما دا ۇسىندى: داۋىستاپ وقىلعان قىسقا سويلەمنىڭ ىشىنەن بەلگىلى ءبىر ءارىپتى نەمەسە ءسوزدى تاۋىپ شىعۋ.