الماتىدا Mastercard بىرلەسكەن اكسياسى ىسكە قوسىلدى، دەپ حابارلايدى almaty-akshamy.kz
1 قازاننان 31 جەلتوقسانعا دەيىن الماتى مەتروپوليتەنى Mastercard كومپانياسىمەن بىرلەسىپ، ۇيالى تەلەفون ارقىلى تولەيتىندەر ءۇشىن ادەتتەگى 100 تەڭگەنىڭ ورنىنا مەتروعا 5 تەڭگەگە جول ءجۇرۋدى ەنگىزدى. بۇل كەز-كەلگەن بانكتىڭ Mastercard كارتاسى بايلانىستىرىلعان Google Play، Apple Pay نەمەسە Samsung Pay قوسىمشالارى ارقىلى مەتروعا كونتاكتىسىز اقى تولەگە بولادى. جول اقىسىن تولەۋ ءۇشىن مەترونىڭ كىرەبەرىسىندەگى تۋرنيكەت تۇعىرىندا ورنالاسقان برەندتى وقۋ قۇرىلعىسىنا بەلسەندىرىلگەن قوسىمشاسى بار ۇيالى تەلەفوندى قوسۋ جەتكىلىكتى.
«جالپى، مەترودا جولاقىسىن بىرنەشە تاسىلمەن – قولما-قول اقشامەن، كارتامەن، مەترو جانە وڭاي جول كارتاسىمەن تولەۋگە بولادى. سونداي-اق، جىل سوڭىنا دەيىن MasterCard باستاماسى بويىنشا اكسيا جىل سوڭىنا دەيىن قولدانىلادى، تولەم ءموبيلدى قۇرىلعىلار ارقىلى ىسكە اسادى. باسقا تاسىلدەرمەن تولەنگەن جول ءجۇرۋ قۇنى وزگەرىسسىز قالادى – 100 تەڭگە»، - دەپ اتاپ ءوتتى الماتى قالاسى مەتروپوليتەنىنىڭ كىرىستەر جيناۋ قىزمەتىنىڭ باسشىسى جازيرا بايمۇحامەدوۆا.
بۇل - ۋاقىتشا اكسيا، ونى Mastercard كومپانياسى جۇرگىزەدى جانە قارجىلاندىرادى.
«ءبىز قازاقستاندا زاماناۋي تولەم قۇرالدارىنىڭ ءجيى قولجەتىمدى بولۋىنا قۋانىشتىمىز. بۇل ناۋقان MasterCard كارتالارى بار ءموبيلدى قۇرىلعىلار ارقىلى كونتاكتىسىز تولەمدەردى ىڭعايلى، جىلدام جانە ءقاۋىپسىز ەتەدى ءارى مەترودا جولاقىسىن تولەۋ شىعىندارىن ايتارلىقتاي ۇنەمدەيدى. سمارتفونمەن نەمەسە باسقا قۇرىلعىمەن جۇزەگە اسىرىلعان MasterCard كارتاسى بويىنشا ءاربىر Google Pay، Apple Pay نەمەسە Samsung Pay تولەمى سەنىمدى قورعالعان جانە كەز كەلگەن باسقا Mastercard ترانزاكسياسى سياقتى ارتىقشىلىقتار مەن كەپىلدىكتەردى ۇسىنادى»، - دەپ اتاپ ءوتتى Mastercard-تىڭ ورتا ازياداعى باس ديرەكتورى رافال ترەپكا.
وسى اكسيا تۋرالى قوسىمشا اقپاراتتى اكسيانىڭ https://mastercard-promo.kz/ رەسمي سايتىنان تابۋعا بولادى