دەنساۋلىق ساقتاۋ مينيسترلىگىنىڭ شەشىمىن كۇتۋ كەرەك.
ءبىلىم ءمينيسترى عاني بەيسەمبايەۆ قازاقستان مەكتەپتەرىندە مەتاپنيەۆموۆيرۋسقا بايلانىستى قانداي دا ءبىر شەكتەۋلەر ەنگىزۋ جوسپارلانىپ وتىر ما دەگەن سۇراققا جاۋاپ بەردى، دەپ حابارلايدى aqshamnews.kz
ءبىلىم مينيسترلىگىنىڭ باسشىسى ەلىمىزدىڭ ءبىلىم بەرۋ جۇيەسىنىڭ ءتۇرلى سىن-قاتەرلەرگە دايىندىعى جوعارى ەكەنىن اتاپ ءوتتى – بۇل 2020 جىلعى پاندەميا كەزىندە جيناقتالعان تاجىريبە.
"سوندىقتان بارلىق كوللەدجدەر مەن مەكتەپتەر وسى جاعدايعا دايىندالۋ ءۇشىن بارلىق قاجەتتى زاتتارمەن تولىق جابدىقتالعان. ءبىراق بۇگىندە دەنساۋلىق ساقتاۋ مينيسترلىگىنىڭ شەشىمىن كۇتۋ كەرەك دەپ ويلايمىن. ءبىز ءتۇرلى سىناقتارعا دايىنبىز"، -دەدى عاني بەيسەمبايەۆ.
پرەمەر-مينيستردىڭ ورىنباسارى تامارا دۇيسەنوۆا جاقىندا ق ر دەنساۋلىق ساقتاۋ مينيسترلىگى دۇنيەجۇزىلىك دەنساۋلىق ساقتاۋ ۇيىمىمەن بايلانىسقا شىققانىن حابارلادى.
"جاۋاپ بىزگە عانا ەمەس، باسقا ەلدەرگە دە كەلدى. دۇنيەجۇزىلىك دەنساۋلىق ساقتاۋ ۇيىمى ۇرەيلەنۋدىڭ قاجەتى جوق، بۇل ۆيرۋس ەلدەردە ونداعان جىلدار بويى بار جانە ەمدەۋ — الدىن الۋ شارالارىن قابىلداۋ كەرەك دەدى. سوندىقتان "بۇل قالىپتى قۇبىلىس، بۇل ءبىز بىرگە ءوتۋىمىز كەرەك كەزەڭ"، -دەپ قوستى ول.