كەزدەسۋ 19 قاڭتاردا وتەدى.
ليونەل مەسسي مەن كريشتيانۋ رونالدۋ وينايتىن فرانسيانىڭ «پاري سەن-جەرمەن» جانە ساۋد ارابياسىنىڭ «ال-ناسر» كوماندالارى 19 قاڭتاردا جولداستىق كەزدەسۋ وتكىزەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
فرانسيالىق كلۋب قىسقى وقۋ-جاتتىعۋ جيىنىنىڭ كۇنتىزبەسىن جاريالادى. كوماندا اتالعان دايىندىقتى جىلدا ساۋد ارابياسى جانە قاتاردا وتكىزىپ كەلەدى.
«پاري سەن-جەرمەن» 17 قاڭتاردا قاتار استاناسى دوحا قالاسىنا كەلەدى. وندا 2022 جىلعى الەم چەمپيوناتى وتكەن ستاديونداردىڭ بىرىندە جاتتىعۋ جۇمىستارىن جاسايدى. ودان كەيىن 19 قاڭتاردا جەرگىلىكتى «ال-ناسر» جانە «ال-حيليال» كلۋبتارىمەن جولداستىق كەزدەسۋ وتكىزەدى. سودان كەيىن قايتادان پاريجگە اتتانىپ كەتەدى.
ايتا كەتسەك، «ال-ناسر» كومانداسىندا پورتۋگاليالىق شابۋىلشى كريشتيانۋ رونالدۋ ويىن كورسەتەدى. ول اتالعان كلۋبپەن وتكەن جىلدىڭ سوڭىندا كەلىسىمشارتقا قول قويدى.