مەسسي مانسابىن قاشان اياقتاماق؟

ءبىراق مانسابىن قاشان اياقتايتىنىن ءوزى دە بىلمەيدى

ارگەنتينا ۇلتتىق قۇراماسى مەن اقش-تىڭ «ينتەر مايامي» كلۋبىنىڭ شابۋىلشىسى، الەم چەمپيونى ليونەل مەسسي مانسابىن قاشان اياقتايتىنىن ايتتى، دەپ حابارلايدى اlmaty-akshamy.kz. 

بۇرىن دا ايتقانمىن، ءقازىر دە ايتامىن، مەن بۇگىنگى كۇنمەن ءومىر سۇرگىم كەلەدى. بولاشاعىما قۇمالاق اشپايمىن. فيزيكالىق تۇرعىدا ءقازىر مەندە ءبارى جاقسى. ءالى قانشا وينايتىنىمدى ناقتى ايتا المايمىن. دەنساۋلىعىم كەلسە، الاڭعا شىعا بەرەمىن، – دەپ جاۋاپ بەردى مەسسيMarca ءتىلشىسىنىڭ ساۋالىنا.

بۇعان دەيىن دە ول ازىرشە فۋتبولمەن قوشتاسپايتىنىن، ودان تەك ءلاززات العىسى كەلەتىنىن ايتقان بولاتىن.

شىنىن ايتقاندا، ءالى دە مانسابىمدى اياقتاۋ تۋرالى ويلامايمىن. ماعان جاتتىعۋ جاساپ، الاڭعا شىعىپ، فۋتبول ويناعان ۇنايدى. قاي كەزگە دەيىن وينايتىنىمدى بىلمەيمىن. ءبىراق كوبىرەك فۋتبول ويناعىم كەلەدى. ءقازىر، ەڭ باستىسى، فۋتبولدان ءلاززات العىم كەلەدى، – دەدى ليونەل ليونەل مەسسي TyC Sports-كە بەرگەن سۇحباتىندا.

ايتا كەتسەك، ول بيىلعى جازدان بەرى اقش-تىڭ «ينتەر مايامي» كلۋبىندا وينايدى. از عانا ۋاقىتتا امەريكالىق كلۋبتىڭ ۇزدىك سۇرمەرگەندەرىنىڭ ۇشتىگىنە كىرگەن. ونىڭ «ينتەر ماياميمەن» كەلىسىمشارتى 2025 جىلعا دەيىن جاسالعان.