ليونەل مەسسي دوپ تەبەتىن "ينتەر مايامي" كلۋبى ليگا كۋبوگىنىڭ فينالىندا نەشۆيللدى جەڭدى.
كەزدەسۋدىڭ نەگىزگى ۋاقىتى 1:1 ەسەبىمەن اياقتالدى. ال ويىن سوڭىنداعى پەنالتي سەرياسىندا ارگەنتينالىق اياقدوپشىنىڭ كومانداسى 10:9 ەسەبىمەن باسىم ءتۇستى، - دەپ حابارلايدى Almaty-akshamy.kz Tengrinews.kz-كە سىلتەمە جاساپ.
ال نەگىزگى ۋاقىتتا مەسسي مەرگەندىگىمەن كوزگە ءتۇستى. بۇل ءوزىنىڭ جاڭا كومانداسى ءۇشىن 10-ىنشى گولى بولاتىن. وسىلايشا، لەو جاڭا كومانداسى ساپىندا ءوزىنىڭ كەزەكتى كۋبوگىن جەڭىپ الدى. الايدا، بۇل "ينتەر مايامي" تاريحىنداعى العاشقى جەڭىس بولاتىن.
جالپى العاندا، ارگەنتينالىق ءۇشىن بۇل كۋبوك كلۋبتىق تۋرنيرلەر مەن ۇلتتىق قۇرامالار دەڭگەيىندە 44ء-شى تروفەي بولاتىن. بۇل كورسەتكىش بويىنشا ول مانسابىن اياقتاعان برازيليالىق قورعاۋشى داني الۆەستى جەڭىپ، ءبىرىنشى ورىنعا شىقتى.
ايتا كەتەيىك، مەسسي 35 تيتۋلدى بارسەلونامەن، بەسەۋىن ارگەنتينا قۇراماسىمەن، ۇشەۋىن پاري سەن-جەرمەنمەن، ەندى بىرەۋىن ينتەر ماياميمەن جەڭىپ الدى.